Late 16:4 - Tedim Bible

⁴ Pasian dang a teelte in amau dahna khangsak hi; amau’ si theh biaknate ke’n bawlpih loin, amau’ pasiante ka biakpih kei ding hi.

Tedim Bible Revision 2017

⁴ Pasian dang a teelte in amauʼ dahna khangsak hi. Amauʼ si theh biaknate keʼn bawl pih loin, amauʼ pasian-te ka biakpih kei ding hi.

Late 16:4 Referans Kwoze

Paikhiatna 23:13

Nang' tunga kong gente khempeuh thudon in; pasian dangte’ min genin nei kei in la, na kam sung panin zong tua bangte kizasak kei in.

Late 97:7

Bangmah man lo milimte a kisak theihpih, milim a bia mi khempeuhte maizumin kikoih a, ama mai-ah pasian khempeuh kun uh hi.

Late 32:10

Migilote in gimna tampi thuak uh a, Topa a muangte ahih leh itna kip in tuamcip hi.

Jonah 2:8

Kiman’na nei lo milim a biate in nangmah hong tai san uh hi.

Isaiah 57:6

Kuam sunga suangmaite lakah milimte na la uh a, tua suangmaite na bia uh hi. Tuate tungah tui tawh biak piakna sungin, an tawh biak piakna na paipih uh hi. Hih thute’ hangin kei lungdam ding ka hi hiam?

Jeremiah 7:18

Naupangte in sing tom-in, a pate un mei a tawh uh a, nupite in a nusian uh vantung kumpinu’ ading tangho a su uh a, kei hong hehsak nadingun, pasian dangte’ dawn dingin biakna a pia tazen uh hi.

Isaiah 66:3

“Biakna-in bawngtal a gopa in mihing zong that hi; biak piakna-in tuuno a gopa in ui ngawng zong tan hi; an tawh biak piakna a bawlpa in vok si zong pia hi; paknamtui tawh phawkna biak piakna a bawlpa in milim zong bia-in thupha pia hi. Hih mite in amau’ ut bang ciatin gamta uh a, amau’ kihhuai gamtatna uhah nuam sa uh hi.

Isaiah 65:11

Ahih hangin kei a hong nusia, keima mual siangtho a mangngilh, Gad pasian’ adingin sabuai phahin, Meni pasian’ adingin zu helsa hai sungah a dim note pen;

Siampi Laibu 23:13

Tua tawh a kipia khawm ding an tawh biakna in sathau tawh a kibawl annel seu seh sawmsuah seh nih hi ding a, a gim namtui dingin Topa tungah meihal biakna-in kipia ding hi; tua tawh a kipiakhawm ding leenggahzu tawh biakna in leenggahzu thawl khat hi ding hi.

Piancilna 35:14

Jakob in amah tawh a kihona munah suang khuam khat phut hi; amah in tua tungah leenggahzu tawh biak piakna sungkhia hi, tua tungah sathau zong sung hi.