Late 16:10 - Tedim Bible

¹⁰ Bang hang hiam cih leh keimah Leinuai nong zuan sak kei a, na mi hoihpa Leihawmpi na mu sak kei hi.

Tedim Bible Revision 2017

¹⁰ Bang hang hiam cih leh Leinuai nong zuansak kei a, na mihoih pa Leihawmpi na musak kei hi.

Late 16:10 Referans Kwoze

Late 49:15

Ahih hangin Pasian in Leinuai’ vangliatna panin kei hong tankhia ding hi, bang hang hiam cih leh amah in kei hong sang ding hi.

Mangmuhna 1:18

Nidang lai-in ka sih ngei hangin tu-in en in, a tawntungin ka nungta a,! sihna leh sihna gam konghon’na ka nei hi.

Mangmuhna 20:13

Tua lai takin tuipi in a sungah a om mi site a puak hi, Sihna leh Sihna Gam in a sung uhah a om mi site a puak uh a, mi khempeuh in a gamtatnate bangin thukhenna a thuak uh hi.

Luka 16:23

Sumhaupa zong si a, a kivui hi. Meikuang sungah gimna nakpi a thuak lai takin a khuadak leh, Abraham leh Abraham’ ang ah Lazaras a om gamlapi panin a gal muh hi.

Luka 1:35

Vantungmi in zong, “Kha Siangtho in nangma tungah hong tung a, Sang Bel Pasian’ vangliatna in nang hong liah ding hi. Tua ahih ciangin, tua siangtho a piang ta in Pasian’ Tapa a kici ding hi.

Isaiah 14:9

Nang na paisuk ciangin hong dawntuah dingin Hansunga misite’ khate kihanthawn a, nangmah hopih dingin leitungah a lian ngei misi uliante kipusuaksak hi; a minamte’ kumpite khempeuh amau kumpi tokhom panin hong tho uh hi.

Thu-hilhkikna 32:22

Bang hang hiam cih leh ka hehna in mei tawh kuang a, Leinuai thukna mun dong kuang hi, leitung leh a tunga piangte kangtum a, mualte’ bulpite’ kuangsak hi.

1 KORIN MASA 15:42

Tua mah bangin misite a thawhkikna thu ahi hi. Pumpi a kituh ciangin muat theihna a om hi. A thawhkik ciangin muat theih lohna a om hi.

Gamlak-vakna 6:6

“Topa adingin a tuam om hun sung teng mi si luang kiangah pai lo ding hi.

Siampi Laibu 19:28

Note in a site’ hangin na ci tung uh liamsak loin note tungah ciamtehna khatpeuh peuh na sun kei ding uh hi: keimah in Topa ka hi hi.

Luka 4:34

Amah in, “Nazareth mi Zeisu aw, kote in nang tawh bang kikum i hi hiam? Kote susia dingin hong pai na hi hiam? Nang kua mi na hih ke’n kong thei hi. Pasian’ misiangtho na hi hi,” ci-in aw lianpi tawh a kiko hi.

Amos 9:2

Lei to sukin misite omna Leinuai-ah a va tun uh hangin tua lai-ah amaute ka su ding a, vantungah a kah toh uh hangin zong, tua lai mahah amaute ka su veve ding hi.

Daniel 9:24

“Na mite leh khuapi siangtho ading leh, mawhna leh gamtat khialhnate a bei nadingin nipi kal sawmsagih a kiseh zo hi. Tua ciangin mawhna kimaisak ding a, a tawntung thumanna a hong tung ding hi. Genkholhna leh mangmuhna thu man takin a hong tangtung ding a, a Siangthopen Mun biakinnpi a kisiansuah ding hi.

Isaiah 5:14

Tua ahih ciangin Leinuai in a duhna khangsakin, bangmah tawh kiteh theih lo zahin a kam ka beba a, Jerusalem’ hoihna leh a mipite, a mihonte leh ama sunga lungdam mite a nawmvalh hi.

Paunak 27:20

Mihingte’ lungsim in mi site’ gam tawh kibang a, tamlua cih hun nei thei lo hi.

Paunak 15:11

Topa in sihna gam sunga omte nangawn mu thei ahih leh, mihingte ngaihsutna telmuh zawkan ding hilo ahi hiam?

Late 139:8

Vantungah kahto leng tua lai-ah nang na om a, Leinuai misite gamah lupna bawl ta leng zong tua lai-ah nang na om veve ding hi.

Late 9:17

Pasian a mangngilh minam khempeuh ahi migilote in Leinuai ah pai ding uh hi.

JOB (Job) 11:8

Pasian in vantung sangin sang zaw a, ahi zongin tua vantung nangawn na ban zo kei hi. Pasian in Leinuai thu thei a, ahi zongin nangmah in tua thu na thei kei hi.