Late 16:1 - Tedim Bible

¹ Pasian aw, nangmah hong bel ka hih ciangin keimah hong kem in.

Tedim Bible Revision 2017

¹ Pasian aw, nang hong bel ka hih manin keimah hong kem in.

Late 16:1 Referans Kwoze

Late 56:1

Pasian aw, mite in kei hong tuancil ahih manin kei hong hehpih in; sunthapai in galte in kei hong sucip hi;

Late 17:8

Kei hong sutgawp migilo, keimah hong umcih ka gal kihtak huaite kiang panin mitnauta bangin hong kem in la, na kha lim-ah hong seel in.

Late 116:6

Topa in thu thei lo mi hong kem a, kei hong kiniam koih ciangin amah in hong huh hi.

Late 84:12

Mi honte Topa aw, nangmah hong muang mi in thupha ngah mi ahi hi!

Late 31:23

Topa it un, ama misiangtho khempeuh aw! Thumante Pasian in kem a, ahih hangin a kiphatsak gamtatte nakpi takin thuk hi.

2 TIMOTI NIHNA 1:12

Tua thu hangah hih gimnate zong ka thuak hi. Ahih hangin ka zum kei hi. Bang hang hiam cih leh, ka uppa ka thei a, ama kiangah ka piak nate zong tua Ni dongin a kem zo ding hi ci-in ka um hi.

Paunak 2:8

Amah in thutang mite cing a, amah a itte kem hi.

Late 146:5

Jakob’ Pasian pen ama huhpa hi-in, ama Topa Pasian, a muangpa in mi lungdam ahi hi.

Late 9:10

Topa aw, nangmah hong zongte nusia lo na hih manin, na min a theite in nang hong muang hi.

Late 7:1

Topa ka Pasian aw, nang kong bel hi; kei hong delhte khempeuh kiang panin hong gum in la hong hon in.

Late 125:1

Topa a muang mite pen, ling loin a om tawntung Zion Mual tawh kibang hi.

Late 97:10

Topa in gitlohna a mudahte it a, amah in a mi siangthote’ nuntakna kem hi; amah in migilote khut sung panin amaute honkhia hi.

Late 60:1

Pasian aw, kote nong paai khin a, ka panmunte uh na sukham khin hi; kote tungah nangmah na heh khin hi; kote ka ngei uh hong bangsak kik in.

Late 37:28

Bang hang hiam cih leh Topa in thutang deih a, a mi siangthote nusia lo ding hi. Thuman mi kikemcing den ding a, ahi zongin migilo’ tate kipuaseh ding hi.

Late 25:20

Kei hong cing in la, hong honkhia in; nangmah hong bel ka hih manin kei hong maizumsak kei in.

Late 17:5

Ka kalsuannate in nangma lampi-ah kip khin a, ka khe taal lo hi.

2 KORIN NIHNA 1:9

Kote in ka pumpi uh muang loin, misite a thosak Pasian muan nadingin sihna thukhenna a thuak mi bang ka hi uh hi.

Late 22:8

“Topa tungah amah in ama thu ap hi; amah honkhia sak un, amah deih ahih manin hon ta hen!” hong cihsan uh hi.

Late 7:2

Hong hon kei lecin, hong hon ding dang om lo ahih manin amaute in humpinelkai bangin hong kaikhia-in hong balgawp ding uh hi.