Late 15:5 - Tedim Bible

⁵ a meet-in ama sum kha lo a, thutangte’ lang ah golhguk a la lo mi ahi hi. Hihte khempeuh a hih mi pen liing ngei lo ding hi.

Tedim Bible Revision 2017

⁵ ama sum a meetin a kha lo, thutang mite a langpan lo, golhguk a la lo mite teeng ding uh hi. Hih bangin a gamtate pen liing ngei lo ding hi.

Late 15:5 Referans Kwoze

Thu-hilhkikna 16:19

Thutang na heikhia kei ding uh hi; angvanna na nei kei ding uh hi; sumgolh in mi pilte’ mit tawsakin thumante’ thu heikhia ahih manin sumgolh na la kei ding uh hi.

Paikhiatna 22:25

“Note tawh a om, a zawng keima' mite khat peuhpeuh' tungah sum leitawi na piak uh leh, ama' tungah sum leitawi a piapa bangin na om kei ding uh a, ama' tung panin a meet na dok kei ding uh hi.

Ezekiel 22:12

Pawlkhat in sum deih manin mi that uh hi. Pawl khatte in a Israel mipih sum leitawi late tungah nuamtak sa-in a met lakna tawh hauh lawh uh hi. Amaute in kei hong mangngilh uh hi, Topa Pasian in ci hi.

Ezekiel 18:8

A meet bekbek lunggulhna-in sum leitawi pia lo hi. Gamtat siat ding ut lo a, mite’ thu a manin khensak hi.

Johan 13:17

Tua nate thei-in na hih le-uh teh, thupha na ngah ding uh hi.

Paunak 12:3

Gitlohna in lungmuan’na piangsak lo a, thuman mite lungmuang takin om uh hi.

Late 112:6

Amah kiliing lo taktak ding a, amah kiphawk tawntung ding hi.

Late 106:3

Thutang a zui, a tawntunga thuman-a gamta mite in mi nuamsa ahi hi!

Late 55:22

Topa tungah na vangik nga in, amah in nang hong huh ding hi; amah in thumante cik mahin a kilingsak ngei kei ding hi.

Late 16:8

Topa ka mai-ngat tawntung a, amah in ka taklam-ah om ahih manin ka kiling kei ding hi.

Mattiu 26:15

“Kei in no khut sungah Zeisu kong piak leh, bangzahin nong guai ding uh hiam?” ci-in a dot ciangin, amau in dangka peek sawmthum ama ading a tawikhai uh hi.

Micah 7:3

A sia lam-a gamtat ding siam mahmah uh a, uliante leh thukhente in sumgolh ngenin, mi liante in amau’ deih teng pulak uh a, kipawlin vaihawm khawm uh hi.

Ezekiel 18:27

Mi gilo khat in a gitlohna panin khawlin a hoih a manin gamta leh ama nuntakna a suahtak ahi hi.

Ezekiel 18:17

Gamtat siat ding ut lo a, a meet bekbek lunggulhna-in sum leitawi pia lo hi. Ka thukhamte zui-in ka thupiakte mang hi. Tua ahih manin hih mipa pen nungta ding a, a pa’ mawhna hangin si het lo ding hi.

Isaiah 33:15

Thuman in gamta-in thutang na gen uh leh na suakta ding uh hi. Na vangliatna uh mizawngte khemna-in zang kei un la, sumgolh deih kei un. Mi that ding a vaihawmte’ thu ngai loin siatna lang khatah mit si un.

Paikhiatna 22:24

ka hehna so-in namsau tawh note kong that ding a, na zite uh meigong numei leh na tate uh pa nei lo suak ding uh hi.

Thu-hilhkikna 23:21

“Topa note’ Pasian tungah thuciamna na bawl ciangun na ciamna uh tungsak loin na ommawk kei ding uh hi; bang hang hiam cih leh Topa na Pasian un hong kal teekteek ding a, note tungah khialhna hong hi ding hi.

1 SAMUEL MASA 12:3

Hih lai-ah ka om hi; ka mawhna a om leh Topa mai leh a sathau nilhpa’ mai-ah kei langah teci hong pang un. Kua bawngtal ka la hiam? Ahih kei leh kua la ka la hiam? Ahih kei leh kua khem ka hi hiam? Kua nengniam ka hi hiam? Ahih kei leh keima mit a tawsak dingin kua tung panin sumgolh la ka hi hiam? Kei’ langah teci hong pang un, keimah in kong dinkik ding hi,” a ci hi.

Paunak 10:30

Midikte lungmuangin mun khatah teeng tawntung ding uh a, migilote in teen’ nading mun ngah zo lo ding uh hi.

Paunak 15:27

A man lo-a sum ngahna in innsung lungkham sak a, sumgolh a deih lote a nuntak sauvei nuam hi.