Late 15:4 - Tedim Bible

⁴ a mit in ginalote thusim lo a, ahi zongin Topa a zahtakte a pahtawi mi; ama nat nading nangawn-ah a ciampel lo mi,

Tedim Bible Revision 2017

⁴ migilote thusim lo a, ahi zongin Topa a zahtakte a pahtawi mi, ama nat nading nangawn ah a ciampel lo mi,

Late 15:4 Referans Kwoze

Thukhente 11:35

Amah in tua nu a muh ciangin a puan balkeekin, “Ala, ka tanu! kei nong niam koih mahmah hi, kei adingin lungkhamna lianpi nong suak hi; bang hang hiam cih leh Topa tungah thu ka ciam khin a, ka thuciamna ka dokkik thei kei hi,” a ci hi.

Mattiu 5:33

“Khat vei: ‘A hi lopi-in na kiciam kei in, Pasian tawh na kiciamnate na tungsak in,’ ci-inah tanglai mite tungah a kigen thu na thei zo uh hi.

Late 101:6

Leitungah a thuman mite kei tawh a omkhop theih nadingun maipha ka pia ding a, paubaan’na om lo a, a gamta mi in keima na hong sem ding hi.

1 JOHAN MASA 3:14

Eite in ute naute khat leh khat ki-it i hih man-inah sihna panin nuntakna ah i galkah zo hi cih i thei hi. A it lo mi in sihna sungah a om lai hi.

Late 101:4

Lungsim kawina ka deih het kei a, siatna, ngaihsut-in zong ka nei kha kei ding hi.

Late 119:63

Kei pen, nangma thuhilhte a zui a, nangmah a hong zahtak khempeuhte’ kikholhpih ka hi hi.

Late 16:3

Leitung a, om mi siangthote ahih leh, amaute nampi hi a, amau sungah ka lungkimna teng om hi.

Sawltak 28:10

Tua mite in lungdamna tampi hong pia uh a, teembaw tungah ka tuan’ kik uh ciangin ka sapnate uh teembaw tungah a koih uh hi.

Esther 3:2

Tua ahih ciangin kumpi huang sunga om kumpipa’ nasem khempeuh in Haman zahtak bawlin ama mai-ah kun uh hi; bang hang hiam cih leh tua banga a hih ding uh kumpipa in thupia hi. Ahih hangin Mordekai in amah zahtakna limin a mai-ah kun lo hi.

Sawltak 24:25

Paul in dikna thu, kidekna thu leh hong tung ding Thukhenna Ni thu a hilh ciangin Feliks Mangpa lau a, “Tu-in pai ta in. Tu nung a kilawm hun ciangin kong samkik ding hi,” a ci hi.

2 KHANG TANGTHU NIHNATE 36:13

Pasian tawh a kiciamsak Kumpi Nebukhadnezzar zong amah in lehdo hi; Israel Pasian, Topa’ kiang zuan kik nuam lo a, zong kisik nuam loin a lung khauhsak hi.