Late 15:3 - Tedim Bible

³ a leii tawh gensia loin, a lawmte tungah siatna bawl lo a, a vengte a mawhsak lo mi,

Tedim Bible Revision 2017

³ mi gensia loin, a lawmte tungah siatna bawl lo a, a veengte a mawhsak lo mi,

Late 15:3 Referans Kwoze

ROM (Romans) 13:10

Itna in lawmte a siasak thei kei hi. Tua ahih ciangin itna in thukham zuihna thu kicin’na ahi hi.

Jeim 4:11

Ute naute aw, khat leh khat na kikosia kei un. A u a nau a kosia mi ahi zongin, a u a nau thukhen mi ahi zongin Pasian’ Thukham a kosia hi; Thukham tungah thu a khen hi. Pasian’ Thukham tungah thu na khen uh leh, Pasian’ thu zui na hi kei uh hi; Thu a khen na hi uh hi.

Mattiu 7:12

Tua ahih ciangin, nang tungah hong kibawl ding na deih bangin, midangte tungah na bawl in. Hih thu in Pasian’ Thukham leh Pasian’ kamsangte thu sung pan a bulpi ahi hi.”

Siampi Laibu 19:16

Note in na mihingte lak uhah mi gensia-in vaksuk vakto loin, na vengpa uh a sih nadingin na langpang kei ding uh hi: keimah in Topa ka hi hi.

3 JOHAN THUMNA 1:11

Ka it mi aw, a sia lam zui kei in, a hoih lam zui in. A hoih a gamta mi in Pasian tawh kipawl hi. A hoih lo a a gamta mi in Pasian a mu nai kei hi.

ROM (Romans) 1:30

Amaute in mi gendai thei mi, hangsan mi, Pasian mudah mi, kheltat mi, kisathei mi, kiphasak mi, mi’ gitlohna a piangsak mi, a nute a pate’ thu a ngai lo mi,

Isaiah 56:2

Hih banga a gamta mite, hih thu a lenkip mihingte, sabbath tangin a siasak lote, siatna bawl nading panin a kikemte in thupha ngah mi ahi hi,” a ci hi.

Paunak 25:3

Vantung sang lua a, lei sung a thuk luat mah bangin, kumpipa’ ngaihsutna thuk lua-in kithei zo lo hi.

Paunak 22:10

Mi kiphasakte hawlkhia lecin, kitotna leh kisimmawhna bei ding hi.

Titu 3:2

kuamah gensia loin, kitawng loin, lungkhuah nei loin, mi khempeuh tungah lungnem takpi nading a ngaihsut nadingun thu na hilh in.

ROM (Romans) 12:17

Midangte in note hong bawlsiat bangin na thuk kei un. Mi khempeuh mai-ah a kilawm gamtatna na hanciam un.

1 SAMUEL MASA 24:11

En in, ka pa aw, ka khut sunga na puantualpi mong en in; kei tungah khialhna ahi a, kumpi dona ahi zongin a om lohna, na puantualpi mong at khia napi-in nang kong thah lohna thu tawh thei-in na mu ding hi. Kei thah dingin nong zon’ hangin nang tungah ka khial kei hi.