Late 149:1 - Tedim Bible

¹ Topa phat un! Topa’ tungah la thak sa un, a thuman mite’ kikhopna sungah amah phatna sa un!

Tedim Bible Revision 2017

¹ Topa phat un. Topaʼ tungah la thak sa un. A thuman miteʼ kikhopna sungah amah phatna sa un.

Late 149:1 Referans Kwoze

Late 33:3

Ama tungah la thak sa un la, a gingin hoih takin khausai tum un.

Mangmuhna 5:9

“Nangmah in laibu la-in, ciamtehnate hong dingin na kilawm hi. Bang hang hiam na cih leh, thahna na thuak khit ciangin mi nam khempeuh, kam khempeuh, pawl khempeuh, gam khempeuhte sung panin, Pasian ading na sisan tawh lei-in,

Hebru 2:12

Tua bang a cihna in: “Ka ute ka naute kiangah Na min ka gen ding hi, Mihon laizangah nangmah phatna la ka sa ding hi,” ci-in a gen hi.

Late 148:1

Topa phat un! Vantung panin Topa phat un la, a sangna panin amah phat un!

Late 98:1

Amah in nalamdangte bawl khin ahih manin Topa tungah la thak khat sa un! Ama khut taklam leh ama khut siangthote in amah gualzosak hi.

Isaiah 42:10

Topa’ tungah la thak sa un la, leimong panin amah phatna sa un! Tuipi leh a sunga omte, tuikulh gamte leh a tunga teeng mite aw, lasa un.

Late 144:9

Pasian aw, la thak khat kong sak ding hi; harp zang sawm khausai lasakna nang kong tum ding hi.

Late 116:18

Jerusalem khuapi aw, ama mi khempeuh a omna sung, Topa’ inn huang sung, nangma mite’ laizang-ah, Topa’ tunga ka thuciamsa ka tangtung sak ding hi. Topa phat un!

Late 68:26

“Israel’ suan-le-khakte aw, mipi kikhopna sungah Topa Pasian phat un!”

Late 22:25

Mi honpite lakah nang kong phat nading na piangsak a, nang a hong zahtakte mai-ah ka thuciamna ka hong pia ding hi.

Late 22:22

Ka u ka naute tungah nangma min ka gen ding a, mihon kikhopna laizangah nangmah kong phat ding hi:

Late 89:5

Topa aw, na nasepna lamdangte pen vantungte phatsak in la, mi siangthote kikhopna sungah na thumanna phatsak in.

Late 96:1

Leitung mi khempeuh aw, Topa tungah la thak khat sa un; Topa tungah la sa un!

Late 111:1

Topa phat un, lungsim thutangte a omna, mihon kikhopna sungah ka lungsim khempeuh tawh Topa tungah lungdamna ka ko ding hi.

Late 35:18

Tua ciangin mihon kikhopna lian sungah na tungah lungdamna kong ko ding a, mi honpite lak panin nang kong phat ding hi.