Late 148:8 - Tedim Bible

⁸ mei leh gial, tuikhal leh vuuk, ama thupiakna a mang huihpi!

Tedim Bible Revision 2017

⁸ mei le gial, tuikhal le vuk, ama thupiakna a mang huihpi!

Late 148:8 Referans Kwoze

Mangmuhna 16:21

Tua lai takin vantung pan tawi zali bang a gik gialpi kia a, mite in tua gialpi gimna hangin Pasian a kosia uh hi, bang hang hiam na cih uh leh, tua gimna in a lian mahmah hi.

Jonah 1:4

Ahih hangin Topa in tuipi tungah huih nakpi-in nung sak-a huihpi hat lua ahih manin teembaw a kisia dekdek hi.

Amos 7:4

Tua ciangin Topa Pasian in hih bangin hong musak leuleu hi: Amah in meikuang tawh a mite daan pia dingin hong kithawi a, tuipite keutum sak a, leitung zong haltum dingin hong kipan hi.

Amos 4:13

Bang hang hiam cih leh mualte bawlin, huihte a piangsakpa, ama ngaihsutna mihingte tungah kilangsakin, sun nitaang kimlai zanin a bawlpa, leitung khempeuh a ukpa’ min in Topa, mihonpite’ Pasian ahi hi.

Joel 2:30

“Tua ciangin vantung leh leitungah hilhkholhna lim ahi, sisan kiluan’ sakna, meikatna, leh meikhu lompi hong om ding hi.

Isaiah 66:16

Bang hang hiam cih leh Topa in mei tawh thukhenna sem ding a, a mawh mi khempeuh tungah a namsau tawh thukhen ding hi; Topa in a thah mite tam mahmah ding hi.

Late 103:20

Ama thugen a ngai, ama thu bang-a a sem no a thahat, no ama vantung mite aw, Topa phat un!

Late 18:12

Ama mai-a khuavak panin gialpi leh mei-amte in ama meii sahpite phulet hi.

Joshua 10:11

Israelte mai-ah amaute a tai laitak, Bethhoron paitohna-ah a paisuk lai takun, Topa in vantung panin gialpi lianpite Azekah khua ciang dong, amaute tungah lawnsuk a, amaute si uh hi; Israel mite in namsau tawh a thah sangin tua gialpi hanga a si mi tam zaw hi.

Gamlak-vakna 16:35

Topa kiang panin mei hong paikhia a, paknamtui a pia mi zanih leh sawmngate kangtum hi.

Siampi Laibu 10:2

Topa’ omna mun panin mei hong pai khia-in amaute kang a, Topa mai-ah a si uh hi.

Paikhiatna 14:21

Tua ciangin Moses in tuipi tungah a khut zan hi; Topa in zan tawntung nisuahna huihpi hat tawh tuipi leh luan’sakin, tuipi pen leikeu-in bawl a, tuite kikhen hi.

Paikhiatna 10:19

Topa in nitumna huihpi hat mahmah khat nungsak a, tua huih in kauphete laamto-in San Tuipi sung den’na hi; Izipt gam sungah kauphe khat zong om nawn lo hi.

Paikhiatna 10:13

Tua ahih ciangin Moses in Izipt leitang tungah a ciangkhut zan a, Topa in tua sun tawntung leh tua zan tawntung leitang tungah nisuahna huih nungsak hi; zingsang ciangin nisuahna huih in kauphete hong tun’ khin hi.

Piancilna 19:24

Tua ciangin Topa in vantung panin Sodom leh Gomorrah tungah kaat leh meikuang zusak hi;

JOB (Job) 37:12

Pasian’ deihna zui-in kikhin kawikawi hi. Leitung mun khempeuhah pai- in, Pasian’ sawl teng sem uh hi.

Jonah 1:5

Tua ciangin teembaw hawlte lau uh a, a pasian ciat uh kiangah a kiko ciat uh hi. Teembaw a zan’ tuam nadingin a sung-a vante tuipi sungah a paai uh hi. Tua bang hi napi-in Jonah in teembaw sung a tawng lamah na lutsuk a, a na ihmu hithiat hi.