Late 148:4 - Tedim Bible

⁴ Van sangpente leh vante tunga om tuite aw, amah phat un!

Tedim Bible Revision 2017

⁴ Van sang pen te le vantung a om tuite aw, amah phat un.

Late 148:4 Referans Kwoze

1 KUMPI MASATE 8:27

“Ahih hangin leitungah Pasian teeng taktak ding ahi hiam? En in, vantung leh vantung a sangpen in nang hong huam zo lo hi; keima lamsa hih inn in bangzahin nang hong huam zo lo zaw kan ding ahi hiam!

Piancilna 1:7

Pasian in van kuumpi bawl a, van kuumpi tunga om tuite leh van kuumpi nuai-a om tuite khen hi. Tua mah bangin piang pah hi.

Thu-hilhkikna 10:14

En un, vantung leh vantung a sangpente leh leitung leh a sunga om khempeuh in Topa note’ Pasian’ aa ahi hi;

Nehemiah 9:6

Nang bek in Topa na hi hi; nangmah in van sangpen vantung a, aksihonpite tawh, leitung leh a tunga om khempeuh, tuipi leh a sunga om khempeuh na bawl hi. Nangmah in tuate khempeuh na piangsak a, vantungmi honpi in Nang hong bia uh hi.

2 KORIN NIHNA 12:2

Tuma kum sawm leh li lai takin Khazih sungah a om mi khat, thumna vantung dongin a paipih ka thei hi. Ama pumpi tonpih hiam, tonpih lo hiam ka thei kei hi—Pasian in a thei hi.

Late 104:3

Van-a om tui tungah na inn na lam a, meiipite, na leeng dingin na bawl a, huih khate' tungah na tuang hi.

Piancilna 7:11

Noah’ nuntak kum zaguk kum, a kha nihna, tua kha ni sawm-le-sagih ni-in van-a om a thuk mahmah tuikhukte puakkhamin, vantung kongvangneute kihong hi.

Piancilna 1:6

Pasian in, “Tuite’ laizang-ah van kuumpi om hen la, tua van kuumpi in tui leh tui kikhensak hen,” ci hi.

2 KHANG TANGTHU NIHNATE 2:5

Kote’ Pasian in pasian khempeuh sangin lianzaw ahih manin ka lam ding inn in lian ding hi.

Late 69:35

Bang hang hiam cih leh Pasian in Zion hon-in Judah khuapite lamkik ding a, ama nasemte tua lai-ah teengin tang pah ding uh hi;