Late 147:2 - Tedim Bible

² Topa in Jerusalem khuapi lam a, amah in a kinilkhia Israelte kaikhawm hi.

Tedim Bible Revision 2017

² Topa in Jerusalem khuapi lam a, amah in a kinil khia Israel-te a kaikhawm hi.

Late 147:2 Referans Kwoze

Isaiah 56:8

Israel a kikhenthangte a kaikhawm Topa Pasian in, a kikaikhawmsa mite banah midangte ama kiangah ka kaikhawm lai ding hi, ci hi,” a ci hi.

Late 51:18

Na lungkimna pha tawh Zion tungah a pha bawl in; Jerusalem kulhpite ciang kik in,

Thu-hilhkikna 30:3

Topa na Pasian un note na ngei uh hong bangsak kikin, note tungah hehpihna hong nei ding a, Topa na Pasian un note hong thehthangna minamte’ lak panin amah in note hong kaikhawm kik ding hi.

Ezekiel 38:8

Minam tuamtuamte lak panin kikaikhawm kikin a gam uh a kitut kik zawh gal launa nei loin a om Israel mite’ gam a sim dingin kum tampi khit ciangin kong sawl ding hi. Sau veipi sung kinusia-in gamkhing a suak ngei hi napi-in, tu-in a mite khempeuh lungmuang takin a omna Israel mual tung gamte a sim ding na hi hi.

Jeremiah 32:37

En in, Ka hehna, ka thangpaihna leh ka lungkimlohna lianpi tawh ka hawlkhiatna gam khempeuh panin amaute ka kaikhawm ding a, hih munah tun’pih kikin, lungmuang takin ka teengsak ding hi.

Isaiah 14:32

Filistia mite’ hong sawl kamtaite, mi khatpeuh in bangci dawn’ ding hiam? “Topa in Zion kipsak khin a, gimna a thuak ama mite in tua sungah buk nading mu uh hi,” ci in dawng ding hi.

Jeremiah 31:4

Aw, nungak siangtho ahi Israel aw, nang kong bawl pha kik ding hi. Na khuangte na man kik ding a, a gual nuamte’ laamna-ah na va kihel ding hi.

Isaiah 27:13

Tua ni ciangin peengkul lianpi khat kitum ding a, Assiria gam sunga a mangthang mite leh Izipt gam sunga a kihawlkhia mite hong pai-in Jerusalem mual siangtho tungah Topa bia ding uh hi.

Nehemiah 7:4

Khuapi lianin zai a, ahi zongin a sungah mi tawm bek om a, innte a kilam om nai lo hi.

Daniel 9:25

Hih thu ciamteh in la, thei in: Jerusalem lamkik nading thupiak khiat huna kipan sathau kinilhpa’ ukpa hong pai dong nipi kalsagih leh nipi kal sawmguk leh nih ahi ding hi. Jerusalem kongzing lampi nei leh kulhpi nei-in kilamkik ding a, ahih hangin buai hun sung ahi ding hi.

Mattiu 16:18

Ke’n kong cih-inah, nang, Piter na hi hi. Hih suang tungah ka pawlpi ka lam ding hi. Hel khua kongkhakte in tua pawlpi a zo kei ding uh hi.

Nehemiah 6:15

Elul kha ni sawmnih leh ni nga ni-in kulh kizo a, ni sawmnga leh ni nih sung hun bei hi.

Nehemiah 6:16

Ka galte un hih thu za-in, ka kiim uh-a om mi namdangte in a theih uh ciangin lamdang sa uh a, kote’ Pasian’ huhna tawh hih nasep kizo ahihna phawk uh hi.

Late 102:17

amah in, mi cimawhte’ thungetna kin-in, amau’ thuumna simmawh lo ding hi.

Jeremiah 31:10

“Aw, gamdangte aw, Topa’ kammal ngai un la, gamla pi, tuipi gei-a omte kiangah va gen sawn un. ‘Israel mite a kithehthangsak pa in a kaikhawm kik ding a, tuucingpa in a tuute a cin’ bangin a cing ding hi,’ va ci un.

Micah 4:6

Topa in hih bangin ci hi: Tua ni ciangin keimah in khebaite kaikhawmin, a kihawlkhiate leh gimna ka thuaksak mite ka kaikhawm ding hi.

Zekhariah 8:7

Nisuahna leh nitumna gamte panin ka mite ka honkhia ding a,