Late 146:6 - Tedim Bible

⁶ Amah in van leh lei, tuipi leh tuate sunga omte khempeuh bawl a, a tawntungin thuman hi;

Tedim Bible Revision 2017

⁶ Amah in vanlelei, tuipi le tuate sungah a om khempeuh bawl a, a tawntungin thuman hi.

Late 146:6 Referans Kwoze

Mangmuhna 14:7

Tua vantungmi in, “Pasian kihta un la, a vangliatna phat un. Bang hang hiam na cih uh leh, a thukhen ding hun a tungzo hi. Vantung, leitung, tuipi leh cikte a piangsakpa na bia un,” ci-in nakpi-in kiko-in a gen hi.

Late 100:5

Bang hang hiam cih leh Topa hoih hi; ama itna kip-in kho tawntung a, ama thumanna a khang a khangin a kip hi.

Paikhiatna 20:11

bang hang hiam cih leh a ni guk sung tengin Topa in van leh lei, tuipi leh tuate' sunga om khempeuh bawl a, a ni sagih ni tawlnga hi; tua ahih ciangin Topa in sabbath ni thupha pia-in siangthosak hi.

Kolose 1:16

Bang hang hiam na cih uh leh, tua Tapa hangin Pasian in vantung ahi zongin, leitung ahi zongin-ah a om khempeuh a kimutheite, a kimu thei lote, kumpi tokhomte ahi zongin uknate ahi zongin, a sang belnate ahi zongin, vangliatna ahi zongin, na khempeuh a piangsak hi. Tua Tapa hangah ahi zongin, tua Tapa ading ahi zongin na khempeuh a piangsak hi.

Jeremiah 32:17

‘Topa Pasian aw! Nangma’ vangpi leh na khut kizankhia tawh vantung teng leh leitung na bawl khin zo hi! Nang adingin a haksa lua khat beek om lo hi.

Piancilna 1:1

A kipat cil-in Pasian in vantung leh leitung a piangsak hi.

Late 95:5

Amah in a bawlsa tuipite uk a, ama bawlsa leitung zong uk hi.

Late 89:2

Bang hang hiam cih leh na itna kip kho tawntung a, na thutakna, vantung bangin kip tawntung hi.

Hebru 6:18

Bang hang hiam na cih uh leh, Pasian in zuauthu a zang zo lo thu nih hangin eite mai-ah hong kikoih lametna len a, a beel dinga tai eite in hansuahna khauh i ngah nading ahi hi.

Late 117:2

Bang hang hiam cih leh eite tungah ama itna kip lian mahmah a, Topa’ thutakna a tawntungin kip ngitnget hi. Topa phat un!

Late 33:6

Topa’ kampauna tawh vantung piang a, ama kam pan-a husan’na tawh vantung nate a piang hi.

Sawltak 14:15

“Mite aw, bang hangin hih bangin bawl na hi uh hiam? Komau in note tawh kibang lungsim nei mite ka hi uh a, hih a mawkna paaikhia-in van leh lei, tui lianpi akipan leh a sungah a om teng a piangsak a nungta Pasian kiangah na kihei nadingun Lungdamna Thu kong hilh uh hi.

Johan 1:3

Thu tawh na khempeuh a kipiangsak hi. A kipiangsak khempeuh lakah, Thu loin a kipiangsak khat beek a om kei hi.

Late 115:15

Van leh lei a bawl Topa in note thupha hong pia ta hen!

Johan 10:34

Zeisu in, “Note in pasiante na hi uh hi ka ci hi,’ ci-in note’ Thukhamna lai sungah kigelh hilo ahi hiam?

Daniel 9:4

Topa ka Pasian kiangah thungenin, ka mite’ mawhna pulakin: “Topa Pasian aw, nang na lian-a ka hong zahtak uh hi. Nang na thuman a, itna thuciamna leh na thupiakna bang a mangte leh a hong itte a tawntungin na it hi.

Late 98:3

Amah thutakin, it tawntungna nei ahih manin Israelte' tunga a thuciamna tung sak hi. Leitung mi khempeuh in i Pasian’ gupkhiatna mu khin uh hi.

Late 89:33

ahih hangin amah ka itna ka khiam kei ding a, ka thuciamna ka kipelhsak kei ding hi.

Thu-hilhkikna 7:9

Tua ahih ciangin Topa na Pasian uh Pasian hi a, amah itin a thupiakna a zuite tungah khang tul khat dongin thuciamna leh itna kip lenin a thuman Pasian,

Micah 7:20

Ka pu ka pate uh tungah nidang lai a, na ciamsa bangin, Abraham’ suan-le-khak ahi nangma mite tungah na cihtakna leh nong itna kip nong lak ding hi.