Late 146:3 - Tedim Bible

³ Huhna hong pia thei lo uliante ahi a, mihing’ tapa ahi zongin muang kei un.

Tedim Bible Revision 2017

³ Huhna a hong pia thei lo uliante ahi a, mi mawkmawkte ahi zongin muang kei un.

Late 146:3 Referans Kwoze

Isaiah 2:22

Ama’ nakvang sungah husan’na a om mipa muang kei in; Ama’ husanna pen banga sim tham ding ahi hiam?

Late 108:12

Ka galdona uh-ah huhna kote hong pia in, bang hang hiam cih leh mihing’ huhna a mawkna hi!

Isaiah 37:6

Isaiah in amaute tungah, “Na Topa uh kiangah, ‘Topa in hih bangin ci hi: Assiria kumpipa’ nasemte in keimah a hong simmawhna na zaksa uh thute hangin lau kei un.

Isaiah 31:3

Izipt mite mihing hi a, Pasian hilo hi; amau’ sakolte in sa hi a, kha hilo hi. Topa in a khut a zan ciangin a huhpa puk-in, huhna a ngahpa tuk ding a, amaute khempeuh siakhawm ding uh hi.

Late 62:9

Mineute ahih leh husan’ bang bek hi a, miliante pen a hawmpi ahi hi; tawikhaina-ah amaute in lek lo uh hi; amaute a kigawmin husan’ khat sangin zangzaw uh hi.

Late 60:11

Ka gal dona uh-ah huhna kote hong pia in, bang hang hiam cih leh mihing’ huhna a mawkna hi!

2 KUMPI NIHNATE 6:27

Tua ciangin amah in, “Topa in nang hong huh kei leh koi lai pan nang hong huh ding ka hi hiam? Ancilna phual pan ahih kei leh leenggah sukna pan hi ding ahi hiam?” a ci hi.

2 KHANG TANGTHU NIHNATE 16:7

Tua hun lai takin Judah kumpi Asa kiangah thu-mupa Hanani hong pai-in ama kiangah, “Nangmah in Siria kumpipa suangin, Topa na Pasian suang lo na hih manin, Siria kumpipa’ galkapte in nang hong suaktasak hi.

Isaiah 22:25

Vanglianpen Topa in, tua ni ciangin mun hoihna a, a kikheen vankhai in lel ding hi; Topa in gen khin ahih ciangin, amah pen kitanin kia ding a, ama tunga vangik teng kisia ding hi,” hong ci hi.