Late 143:12 - Tedim Bible

¹² Kei pen nangma nasem ka hih manin na itna kip tawh kituakin ka galte khenkhia in la, ka langte khempeuh susia in.

Tedim Bible Revision 2017

¹² Kei pen nangma nasem ka hih manin na itna kip tawh kituakin ka galte khen khia inla, ka langte khempeuh susia in.

Late 143:12 Referans Kwoze

Late 54:5

Amah in ka galte siatna tawh thuk ding hi; na thumanna tawh amaute sumai in.

Late 116:16

Topa aw, keimah in nangma nasem ka hi hi; nangma nasem ka hi a, na nasem nu’ ta ka hi hi. Keimah hong kikhihnate nong sutkhiatsak zo hi.

Late 119:94

Kei in nangma aa ka hi hi, kei hong hon in; bang hang hiam cih leh nangma thuhilhte zuih ding ka hanciam hi.

Late 55:23

Ahih hangin Pasian aw, dum thukpenna munah nangmah in amaute na lawnsuk ding a, mi a thatte leh mikhemte pen amau nuntak ding zah lang hing lo ding hi. Ahih hangin keimah in nang kong muang ding hi.

Late 52:5

Ahih hangin Pasian in nang hong susia paisuak ding hi; amah in nang hong bawhin na buk panin hong kaikhia ding hi; a hingte’ leitang panin nang hong zunglot ding hi.

1 SAMUEL MASA 26:10

David in, “Topa in a nungta ahih mah bangin Topa in amah vat ding hi; tua ahih kei leh zong a sih hun hong tung ding hi; tua ahih kei leh gal kikapna sungah amah paisukin si ding hi.

1 SAMUEL MASA 25:29

Nangmah delhin hong that dingin mite hong thawh leh, nangmah in Topa na Pasian kepna sung a hing mite lakah na om ding hi; amah in suang lotna kuang pan lotkhiat bangin na galte lawnkhia ding hi.

Late 54:7

Bang hang hiam cih leh haksatna khempeuh panin kei nong honkhia khin a, ka galte a guallelhna ka mu khin hi.