Late 142:6 - Tedim Bible

⁶ Ka kikona hong ngai in; bang hang hiam cih leh kei hong kiniamkoih mahmah hi! Kei hong bawlsiate’ kiang panin hong honkhia in; bang hang hiam cih leh kei’ adingin amaute hatlua uh hi!

Tedim Bible Revision 2017

⁶ Ka kikona hong ngai in. Bang hang hiam cih leh nakpi takin kei hong kiniamkoih suk hi. Kei hong bawlsiateʼ kiang pan hong hon khia in. Bang hang hiam cih leh kei adingin amaute hat lua uh hi.

Late 142:6 Referans Kwoze

Late 79:8

Ka pu ka pate uh mawhna hangin kote hong lang ngaihsut kei in la, kote hong kiniam koih mahmah ahih manin, kote hong dawntuah dingin na hehpihna hong paisak mengmeng in.

Late 116:6

Topa in thu thei lo mi hong kem a, kei hong kiniam koih ciangin amah in hong huh hi.

Late 136:23

miniam i hih laitak-a hong phawkpa tungah, bang hang hiam cih leh ama itna kip kho tawntung hi;

Late 17:1

Topa aw, thuman kong ngetna hong za in la, ka otna aw hong ngai in! Zuau baang lo muk pana ka thugetna hong ngai in!

ROM (Romans) 8:37

Khen thei lo ding hi! Ei hong itpa hangin hih nate khempeuh tungah gualzo pente i hi hi.

ROM (Romans) 8:33

Pasian’ teelsate kua in a mawhsak ding hiam? A diksakpa in Pasian ahi hi.

Late 143:7

Topa aw, kei hong dawng mengmeng in! Kei ka cimawh ta hi! Leihawm sung misite kiang-a paisukte tawh ka kibat loh nadingin kei kiang panin na maitang seel kei in.

Late 59:3

Bang hang hiam cih leh, en in, amaute in kei hong pangsim uh hi; mi kihtak-huaite in keimah hong langpangin kikaikhawm uh hi. Topa aw, kei’ thu palsatna, kei’ mawhna hang hi lo,

Late 38:19

Thuman lopi-a ka gal a hite thahat a, kei hong mudah khialte tam mahmah hi.

Late 18:17

Ka gal hatpa kiang pan leh hong mudahte kiang panin amah in keimah hong honkhia hi; bang hang hiam cih leh amaute kei’ adingin hat lua hi.

Late 3:1

Topa aw, ka galte tam mahmah! Mi tampi in kei hong langpan’ nainai hi.

1 SAMUEL MASA 24:14

Israel kumpipa kua do-a kuankhia ahi hiam? Kua delh na hi hiam? Ui si maw! Uili maw!

Late 143:3

Bang hang hiam cih leh gal in kei hong bawlsia a, hong zogawp hi; sau veipi-a a site bangin a mial sungah hong tusak hi.

Late 27:13

A hingte gam sungah Topa’ hoihna mu dingin ka ki-um hi.

Late 46:2

Tua ahih ciangin, leitung kikhin-in, mualte tuipi sung a kiden’na zongin, a tuite ging zuazua-in phuan zuazua a, hih gin’na hangin mual liante a liing zongin, i lau kei ding hi.

Late 91:2

Topa tungah, “Ka bukna leh ka munkip muanhuai, ka muan’ ka Pasian na hi hi,” a ci ding hi.