Late 142:3 - Tedim Bible

³ Ka cih nading ka theih nawn loh ciangin, amah in ka mailam ding hong theihsak hi. Ka paina lampi-ah ka galte in tehlop khat tawh kei hong siahsim uh hi.

Tedim Bible Revision 2017

³ Ka cih nading ka theih nawn loh ciangin, amah in ka mailam ding hong theihsak hi. Ka paina lampi ah ka galte in tehlop khat tawh kei hong siah uh hi.

Late 142:3 Referans Kwoze

Late 141:9

Amaute in keimah hong siahna uh tehlop leh siatna bawlte’ thangzak panin kei hong kem in!

Late 140:5

Mi kiphasakte in kei hong siahna-in tehlop koihsim uh a, amaute in khau tawh ngenthang zak uh a, lam gei-ah thangzak tawh kei hong siah uh hi.

Jeremiah 18:22

Amau a thatlum ding galkapte thakhat thu-in paisak in la, amau’ innte panin kahna aw kizasak in! Bang hang hiam cih leh ka kiat nadingin dum a to uh a, ka khete a awk nadingin thang hong siah uh hi.

Late 143:4

Tua ahih ciangin ka cih nading ka thei nawn kei a, ka lungtang-ah si teeng lo hi.

Late 61:2

ka lungsim a neu ciangin, leimong panin nang kong sam hi. Kei sanga a sangzaw suangpi tungah nangmah in hong paipih in;

Late 102:4

Lungkham lua-in lopa bangin ka keutum a, an nangawn ka ne zo kei hi.

Late 77:3

Keimah in Pasian ka ngaihsun a, ka tau hi; lung ka geelgeel a, ka gim mahmah hi.

Late 56:6

Amaute kikai khawmin hong buk uh hi, ka kalsuanna hong encik uh hi. Amaute in keimah hong thah ding a hanciam uh bangin,

Late 31:4

keima belhpa na hih manin kei hong kisiahna ngenthang kisel panin hong la khia in.

Late 22:14

Tui bangin kei hong kibua khia a, ka guh ka tang khempeuh kilawi khin hi; ka lungtang khuainun bang a, ka awm sungah tui suak hi;

Late 1:6

bang hang hiam cih leh Topa in midikte’ lampi kem a, migilote’ lampi ahi leh siamang ding hi.

JOB (Job) 23:10

Ahi zongin Pasian in ka kalsuanna khempeuh thei a, kei hong ze-et khit ciangin kham bangin ka sian’thona a mu ding hi.

Mattiu 22:15

Tua laitakin Farisaite paikhia uh a, “Bangci leeng Zeisu kam tawh i siah zo ding hiam” ci-in a kikup khit uh ciangin,

Late 17:3

Keima lungsim hong sin in la, zan-in nangmah ka kiangah hong hawh in la, keimah hong ze-et lecin, ka sungah gitlohna na mu kei ding hi; ka kam in khial lo hi.

Late 62:9

Mineute ahih leh husan’ bang bek hi a, miliante pen a hawmpi ahi hi; tawikhaina-ah amaute in lek lo uh hi; amaute a kigawmin husan’ khat sangin zangzaw uh hi.

Late 102:1

Topa aw, ka thungetna hong za in la, ka hong thuumna hong ngai in.

Kah la 2:19

Zanin tho themthum in la, Pasian tungah kiko in. Na tate in hehpihna ngah nadingin na lungsim khempeuh pia in. Kongzing khempeuh ah naupangte puksi khin dektak uh hi.