Late 141:9 - Tedim Bible

⁹ Amaute in keimah hong siahna uh tehlop leh siatna bawlte’ thangzak panin kei hong kem in!

Tedim Bible Revision 2017

⁹ Amaute in kei hong siahna uh tehlop le siatna bawlteʼ thangzak panin kei hong kem in.

Late 141:9 Referans Kwoze

Late 140:5

Mi kiphasakte in kei hong siahna-in tehlop koihsim uh a, amaute in khau tawh ngenthang zak uh a, lam gei-ah thangzak tawh kei hong siah uh hi.

Luka 20:20

Tua lai takin amaute in Zeisu ensim uh a, mangpipa’ vaihawmna leh thukhente tungah a piak nadingun, ama kampau tawh mat theih nadingin thusim kante a kiangah a sawl uh hi.

Paunak 13:14

Mipilte’ thuhilhna in nuntakna tuinak bang hi a, sihna thang tawh kipelhna ahi hi.

Late 119:110

Migilote in, kei thang hong siah uh a, ahih hangin na thuhilhte panin kei ka pial kei hi.

Late 38:12

Kei hong that nuamte in a thang uh zakin, kei’ nat nading a zongte in siatna thu gen uh a, sunthapai-in khemna bek ngaihsun uh hi.

Jeremiah 18:22

Amau a thatlum ding galkapte thakhat thu-in paisak in la, amau’ innte panin kahna aw kizasak in! Bang hang hiam cih leh ka kiat nadingin dum a to uh a, ka khete a awk nadingin thang hong siah uh hi.

Late 142:3

Ka cih nading ka theih nawn loh ciangin, amah in ka mailam ding hong theihsak hi. Ka paina lampi-ah ka galte in tehlop khat tawh kei hong siahsim uh hi.

Late 57:7

Ka lung muang hi, Pasian aw, ka lung muang hi! La ka sa ding a, nakpi takin ka sa ding hi.

Late 64:3

namsau banga a leii uh a tatte, thaltang banga thu hoih lo a ngimte,

Late 142:4

Ka kiim ka pam enin ka khuadak a, ahih hangin kei hong huh ding kuamah om lo hi; ka belh ding kuamah om lo a, kuamah in kei hong don lo hi.