Late 139:21 - Tedim Bible

²¹ Topa aw, nang hong mudah mite ke’n mudah hi lo ka hi hiam? Nang’ langah hong pangte ke’n kih hi lo ka hi hiam?

Tedim Bible Revision 2017

²¹ Topa aw, nang hong mudah mite keʼn mudah hi lo ka hi hiam? Nangʼ langah hong pangte keʼn kih hi lo ka hi hiam?

Late 139:21 Referans Kwoze

Late 119:158

Thuman lo mite enin ka kih hi, bang hang hiam cih leh amaute in nangma thupiaknate zui lo uh hi.

Late 31:6

Mawkna milim a thupi ngaihsutte na mudah hi; ahih hangin ke’n Topa ka muang hi.

Mangmuhna 2:2

“Nangma gamtatna ahi zongin, na hahkatna leh na thuakzawhna ahi zongin, mi gilote na thuak zawh loh tham loin, amau sawltak hi lopi ‘Sawltak ka hi uh’ a ci mite dongtel entelin, a man lo mi ahih uh thu na muh ahi zongin,

2 KHANG TANGTHU NIHNATE 19:2

Ahih hangin amah dawn dingin thu-mupa Hanani’ tapa Jehu hong paikhia a, Kumpi Jehoshafat kiangah, “Migilote huhin Topa a mudahte it ding na hi hiam? Hih thu hangin Topa’ hehna nang tungah hong tung zo hi.

Mangmuhna 2:6

Nangma tungah a om phatnate in ka muhdah Nikolas pawlte’ gamtatnate kei’ muhdah mah bangin nangmah in zong na muhdahna ahi hi.

Late 26:5

siatna bawl mihonte ka mudah a, migilote tawh ka tukhawm kei ding hi.

Luka 19:41

Zeisu in a naih ciangin khuapi mu-in kap a,

Marka 3:5

Tua ciangin Zeisu in hehna tawh a kim en a, amaute lungkhauhna hangin dah a, tua pa kiangah, “Na khut zan in,” ci hi, a khut a zan leh, a dam hi.

Jeremiah 13:17

Ahih hangin ka thu nong ngaih kei uh leh na kisaktheihna uh hangin ka kapsim ding a, khitui luangin nakpi takin ka kap ding hi. Bang hang hiam cih leh Topa’ tuu honte sal dingin kikai zo hi.

Late 119:136

Mite in nangma thu zui lo ahih manin ka khitui hawk luan’in a luang hi.

Late 15:4

a mit in ginalote thusim lo a, ahi zongin Topa a zahtakte a pahtawi mi; ama nat nading nangawn-ah a ciampel lo mi,