Late 139:18 - Tedim Bible

¹⁸ Tuate sim leng sehnel sangin tamzaw hi. Ka khan’lawh ciangin nang tawh ka omkhawm lai hi.

Tedim Bible Revision 2017

¹⁸ Tuate a mal sim leng sehnel sangin tam zaw hi. Ka khanlawh ciangin nang tawh ka om khawm lai hi.

Late 139:18 Referans Kwoze

Late 3:5

Lum-in ka ihmu a, Topa in hong kem ahih manin ka thokik hi.

Late 139:3

Nangmah in ka sep laitak ahi a, ka khawl laitak ahi zongin nong mu a, ka gamtatnate khempeuh na thei hi.

Late 40:5

Topa ka Pasian aw, na sepna lamdangte leh ko’ adinga na ngaihsutnate tampi na phasak a, kuamah tawh teh theih na hi kei hi! Tuate pulakin gen ding hi leng, sim zawh ding hi lo hi.

Late 17:15

Kei ka hih leh, thumanna tawh na maitang ka en ding a, ka khanlawh ciangin, nangma mel muhna tawh ka lungkim ding hi.

Daniel 12:2

A sisa mi tampite in nuntakna a ngah kik ding uh hi. Pawl khatte in nungta tawntung ding uh a, pawl khatte in a tawntung zumna leh minsiatna a ngah ding uh hi.

Isaiah 26:19

Nangma mi a site hingkik ding a, amaute’ pumpi tho ding hi. Han sunga a lum mite aw, tho un la, lungdamin la sa un! Bang hang hiam cih leh zing daitui in leitung a nosak kik bangin, sawtpi a, a si mite, Topa in hingkik sak ding hi.

Late 40:12

Bang hang hiam cih leh a mal-a sim zawh loh ding siatna tampi in kei hong umcih hi; khua hong mu thei losak zah dongin ka mawhnate in kei hong pha khin hi, amaute ka lu tunga ka sammal sangin tamzaw uh hi; ka lung in a lel hi.

Late 40:6

Gan gawh biakna leh khawhsa tawh biakna na deih kei hi; ka bil nong hon’sak hi. Meihal biakna leh mawhmai biakna zong na kulsak kei hi.