Late 136:3 - Tedim Bible

³ Lungdamna pen topate’ Topa tungah ko un, bang hang hiam cih leh ama itna kip kho tawntung hi;

Tedim Bible Revision 2017

³ Lungdamna pen topateʼ Topaʼ tungah ko un; bang hang hiam cih leh ama itna kip tawntung hi.

Late 136:3 Referans Kwoze

Mangmuhna 17:14

Amaute in Tuuno tawh a kido uh ciangin Tuuno in amau a zo gawp ding hi. Bang hang hiam na cih uh leh, amah in topate’ Topa, kumpite’ Kumpipa ahi hi. Kiteelkhia, kisamin, thuman mi ahi Topa tawh a omkhawm mite in zong a zo gawp ding uh hi,” ci-in kei kiangah hong gen hi.

1 TIMOTI MASA 6:15

Sihna tawh kipelh mi khat bek ahi, kuamah in a naih theiloh khuavak sungah om a, kuamah in a muh ngei loh, a muh theih loh, thupha a ngah Topa khat bek ahi kumpite’ Kumpipa, topate’ Topa in ama ciamtehna hun hong tun’ ciangin tua Topa’ hong kilat khiatna hong lak ding hi. Tua Pasian in pahtawina, vangliatna ngah tawntung ta hen. Amen.

Mangmuhna 19:16

Ama puanza tung leh a phei tungah, “kumpite’ Kumpi, topate’ Topa” ci-in min a kigelh hi.

Thu-hilhkikna 10:17

Bang hang hiam cih leh Topa na Pasian un a lian, a vanglian a kihtak huai Pasian, angvan nei loin, sumgolh a la lo, pasiante’ Pasian, topate’ Topa ahi hi.