Late 136:2 - Tedim Bible

² Lungdamna pen pasiante’ Pasian’ tungah ko un, bang hang hiam cih leh ama itna kip kho tawntung hi.

Tedim Bible Revision 2017

² Lungdamna pen pasian-teʼ Pasianʼ tungah ko un; bang hang hiam cih leh ama itna kip tawntung hi.

Late 136:2 Referans Kwoze

Thu-hilhkikna 10:17

Bang hang hiam cih leh Topa na Pasian un a lian, a vanglian a kihtak huai Pasian, angvan nei loin, sumgolh a la lo, pasiante’ Pasian, topate’ Topa ahi hi.

Late 97:9

Bang hang hiam cih leh Topa aw, leitung khempeuh a ukpa na hi a, pasian dang khempeuh sangin nakpi takin na lianzaw hi.

Daniel 2:47

Kumpipa in, “Hih thu thukpi hong gen thei na hih manin na Pasian in thu thuk a lak, pasian khempeuh sung pan a lianpen, kumpite tunga Topa ahi hi,” a ci hi.

2 KHANG TANGTHU NIHNATE 2:5

Kote’ Pasian in pasian khempeuh sangin lianzaw ahih manin ka lam ding inn in lian ding hi.

Joshua 22:22

“A Vanglian Pa, Pasian, Topa! A Vanglian Pa, Pasian, Topa! Amah in thei hi, Israel mahmah in zong thei ta hen! Lehdona ahi a, Topa tungah thuman lohna ahi zongin a hih a, Topa zuihna panin pial dingin biakna tau lam ka hih uh leh, tu ni-in kote hong zah kei hen; tua ahih kei leh zong, tua tungah meihal biakna ahi a, an tawh biakna ahi a, thunuam-a biakna ahi zongin piak nadingin a lam ka hih uh leh Topa mahmah in hong thuk ta hen.

Paikhiatna 18:11

Topa in pasian khempeuh sangin a liat zawkna tu-in ka thei hi, bang hang hiam cih leh mite' tungah kiphatsakna tawh Izipt mite a gamtat lai takin amah in Iziptte’ khut nuai panin mite khahkhia hi,” a ci hi.

Late 97:7

Bangmah man lo milimte a kisak theihpih, milim a bia mi khempeuhte maizumin kikoih a, ama mai-ah pasian khempeuh kun uh hi.

Late 82:1

Pasian in thu vaihawm kikhopna sungah ama panmun hong len a, amah in pasiante lakah thu a khen hi.