Late 135:5 - Tedim Bible

⁵ Bang hang hiam cih leh Topa lian hi, ci-in ka thei a, eite’ Topa pen pasian khempeuh sangin lianzaw hi.

Tedim Bible Revision 2017

⁵ Bang hang hiam cih leh Topa lian hi, ci-in ka thei a, eiteʼ Topa pen pasian dang khempeuh sangin a lian zaw hi.

Late 135:5 Referans Kwoze

Late 97:9

Bang hang hiam cih leh Topa aw, leitung khempeuh a ukpa na hi a, pasian dang khempeuh sangin nakpi takin na lianzaw hi.

Late 95:3

Bang hang hiam cih leh Topa in a lian Pasian khat hi a, pasian khempeuh tungah Kumpi lian khat ahi hi.

Late 48:1

Topa lian hi, i Pasian khuapi sungah a mual siangtho sungah nakpi taka phat ding ahi hi!

Thu-hilhkikna 10:17

Bang hang hiam cih leh Topa na Pasian un a lian, a vanglian a kihtak huai Pasian, angvan nei loin, sumgolh a la lo, pasiante’ Pasian, topate’ Topa ahi hi.

Daniel 3:29

Tu-in minam kimte, minam tuamtuamte, paunam tuamtuamte mi khat peuhpeuh in Shadrak,’ Meshak,’ Abednego-te’ Pasian gensiatna kam pau a om leh kibalnen gawp ding a, a inn uh a kisuksiat sak ding hi ci-in thukhamna ka bawl hi. Bang hang hiam cih leh hi banga hon thei pasian dang peuhmah om lo hi,” a ci hi.

Isaiah 40:25

Tua ahih ciangin kei kua tawh hong tehkak ding na hi uh hiam? Siangtho Pa in ci hi.

Isaiah 40:22

Leitung-a teeng mite kauphe tawh kibang, tua leitung kimkot tunga kumpi tokhom tungah a tu-pa; vantungte pen puan bangin zal-in, a sungah teen theih nadingin puanbuk bangin a zalpa;

Late 89:6

Bang hang hiam cih leh Topa pen vantung-a kua tawh kiteh thei ding ahi hiam? Misiangthote kikhopna sungah a kizahtak Pasian, ama kim-a omte khempeuh tungah lian-in a zahtakhuai Topa pen vanmite lakah kua pen tawh kibang ahi hiam?

Late 147:5

I Topa lian hi, ama vangliatna lian mahmah a, amah in thu a theihtelna pen ngaihsut zawh ding hi lo hi.