Late 133:3 - Tedim Bible

³ Tua in, Zion mualte tunga a kia Hermon mual pan-a daitui tawh kibang hi. Bang hang hiam cih leh Topa in nuntak tawntungna thupha tua mun-ah a pia hi.

Tedim Bible Revision 2017

³ Tua pen Zion mualte tungah a kia, Hermon mual pan a hong piang daitui tawh kibang hi. Bang hang hiam cih leh Topa in nuntak tawntungna thupha tua munah a pia hi.

Late 133:3 Referans Kwoze

Thu-hilhkikna 28:8

Topa in note’ ansal tung leh na hihna khempeuh uhah thupha hong puak ding hi; Topa na Pasian un note hong piakna leitangah amah in note tungah thupha hong pia ding hi.

Late 42:8

Topa in sunin a itna kip hong sawl hi; zan ciangin nuntakna hong pia Pasian tungah thungetna la ka sa hi.

Siampi Laibu 25:21

keimah in a kum gukna ah note tungah thupha kong pia ding a, kum thum sung ading gah hong gah ding hi.

1 JOHAN MASA 5:11

Tua teci pan’na in, Pasian in eite nuntak tawntungna hong pia a, tua nuntakna in Tapa sungah a om hi.

ROM (Romans) 5:21

Tua ahih ciangin mawhna in sihna a pian’sak mah bangin hehpihna in i Topa Zeisu Khazih hangin dikna piangsak a, nuntak tawntungna hong ngah sak hi.

Micah 5:7

Tua ciangin a om lai Israel mite pen, Topa in minam tampite’ adingin a piak, zing daitui, lopate a khangsak guahtui bang ding uh hi. Amaute in mihing muanin nei loin Pasian bek muang ding uh hi.

Late 16:11

Nangmah in nuntakna lampi keimah nong lak hi; nangma omna-ah lungdamna lian om a, na tak lam ah nop tawntungnate om hi.

ROM (Romans) 6:23

Bang hang hiam na cih uh leh, sihna in mawhna’ thaman ahi hi. Ahih hangin i Topa Khazih Zeisu hanga nuntak tawntungna in man kipia lo Pasian’ letsong ahi hi.

Johan 6:68

Simon Piter in, “Topa aw, kote in kua kiangah pai ding ka hi uh hiam?

Johan 5:29

A pha-a gamtate in nuntakna ngah dingin hong thokik ding uh a; a sia-a gamtate in thukhenna thuak dingin hong thokik ding uh hi.”

Joshua 13:11

leh Gilead, leh Geshur mite leh Ma-akath mite gam, leh Hermon Mual khempeuh, leh Salekah dong Bashan gam khempeuh;

Mangmuhna 1:18

Nidang lai-in ka sih ngei hangin tu-in en in, a tawntungin ka nungta a,! sihna leh sihna gam konghon’na ka nei hi.

1 JOHAN MASA 2:25

Eite a hong piak thuciamna in nuntak tawntungna kiciamna ahi hi.

Paunak 19:12

Kumpipa’ hehna in humpinelkai hawk bangin lauhuai a, ama pahtakna in lopa tunga daitui taak bangin deihhuai hi.

Late 21:4

Nangma tung panin amah in nuntakna hong ngen a, ama tungah sau veipi nuntakna na pia hi.

Johan 5:24

“Ke’n aman takpi kong cih-inah, keima thu za a, keimah hong sawlpa a um mi in, nuntak tawntungna ngah zo ahih ciangin, thukhenna a thuak kei hi; sihna pan paikhia a, nuntakna-ah a tung zo hi.

Johan 4:14

Ahih hangin ke’n ka piak tui a dawnte in a tawntungin a dangtak nawn kei ding hi. Ke’n ka piaksa tui in tua mi sungah nuntak tawntungna tuikhukin a piang ding hi,” a ci hi.

Late 21:5

Nangma huhna hangin ama minthan’na lian a, hoihna leh minliatna ama tungah na pia hi.