Late 133:1 - Tedim Bible

¹ En un, sanggam bangin mite pumkhat suakin a tutkhawm ciangin bangzahin hoihin nuam ahi hiam!

Tedim Bible Revision 2017

¹ En un, sanggamte pum khat suakin a tut khawm uh ciangin bangzahin hoihin nuam ahi hiam?

Late 133:1 Referans Kwoze

1 PETER MASA 3:8

A tawpkhakna kam in, note khempeuh lungsim kikhatin om un, hehpihna lungsim nei un. Unau bangin na ki-it un, na kidahpih un, lungniamkhiatna na nei un.

1 KORIN MASA 1:10

Ute naute aw, note khempeuh in kam kikhat na gen uh a, kikhenthang loin, lungsim kikhatin, kiciamtehna kikhatin, kicing takin na om nadingun i Topa Zeisu Khazih’ min tawh kong thuum hi.

Johan 13:35

Note khat leh khat na ki-it uh leh, mite khempeuh in note ka nungzuite na hih lam uh a thei ding uh hi,” a ci hi.

Hebru 13:1

Ute naute ki-itna kip ta hen.

Johan 17:21

Nang in kei nong sawl cih leitung mite in a up nadingun Pa aw, keima sungah na om a, kei in nangma sungah ka om bangin, amaute zong eimau sungah om-in pumkhat a suah nadingun thu kong ngen hi.

Jeremiah 32:39

Amaute’ hoih nading leh amaute’ nung-a a tu a tate uh’ hoih nadingin a tawntungin kei hong zahtak nadingun lungsim kikhat leh nuntakdan kikhat ka pia ding hi.

Piancilna 13:8

Tua ciangin Abram in Lot kiangah, “Nang leh kei’ kikal, nang’ gancingte leh kei’ gancingte’ kikal-ah kitotna omsak kei ni; bang hang hiam cih leh eite a kibeh i hi hi.

Piancilna 45:24

Tua ciangin amah in a sanggamte sawl khia a, amaute a paikhiat ciangin amah in maute' kiangah, “Lampi-ah kitawng kei un,” ci hi,

Isaiah 11:6

Keivom pen tuuno tawh omkhawm ding a, kamkei gialbem pen keelno tawh lum khawm ding hi, bawngno leh humpinelkai leh ganhing thaute omkhawm ding uh a, naupangno khat nangawn in tuate hawl ding hi.

Late 131:1

Topa aw, ka lungsim kiliansak nawn lo a, kei ka kihisak nawn kei hi; kei adingin a lian lua leh a lamdang luate ngaihsutin ka nei kei hi.

Isaiah 11:13

Efraim in hazatna a neihnate bei ding a, Judah mi a galbawlte kisusia ding hi; Efraim in Judah haza nawn lo ding a, Judah in Efraim galbawl nawn lo ding hi.

Late 122:1

Amaute in kei tungah, “Topa’ innah pai ni,” hong cih uh ciangin ka kipak hi.

Isaiah 11:9

Ka mual siangtho buppi tungah amaute khat leh khat kiliamsak lo ding uh a, kisusia lo ding uh hi; bang hang hiam cih leh tuite in tuipi omna a tuamcip mah bangin leitungah Topa’ thu theihna kidim ding hi.

Late 124:1

Ei lam-ah Topa, hong pang lo hi leh, Israelte in tu-in ci ta uh hen—

Marka 3:25

Ami kilem lo a kikhen inn sung in zong a kip zo kei ding hi.