Late 13:2 - Tedim Bible

² Bang tanvei gimna thuakin, sunthapai-in ka lungsim dah ding ahi hiam? Bang tanvei kei’ tungah ka galte gualzo ding a hi hiam?

Tedim Bible Revision 2017

² Bang tanvei gimna thuakin, sun thapai-in ka lungsim dah ding ahi hiam? Bang tanvei kei tungah ka galte gualzo ding ahi hiam?

Late 13:2 Referans Kwoze

Jeremiah 8:18

Ka dahna dam thei lo a, ka lungsim na mahmah hi.

Jeremiah 15:18

Bang hangin ka natna dai thei lo a, ka liamna dam thei loin dam ding ut lo ahi hiam? Kei adingin nang, tui a kang lui tawh kibangin hong lungkia sak ding na hi hiam?

Kah la 1:5

A galte gualzo uh a, amaute a nuaisiah gawp uh hi. Mawhna tampi a neih manun, Topa in tua bangin gimna a thuaksak hi. Naupangte nangawn sila dingin a kipua khia hi.

Thuhilh-sia 5:17

I nuntak sung teng lungzin’na, dahna, lunghimawhna, natna satna leh hehna bek tawh hun bei lel hi.

Paunak 15:13

Lungdamna in mai taiisak a, lungkhamna in mai gumsak hi.

JOB (Job) 10:15

Ka khialh phetin gimna nong pia a, ka gamtat hoih ciangin nong pakta tuan kei hi. Keimah in mindaina leh maizumna tawh ka kidim hi.

Filippi 2:27

Amah in si dek takin a gim mahmah hi. Ahih hangin Pasian in amah a hehpih hi. Amah bek ahi kei hi, keima dahna a kibehlap sawnsawn loh nadingin kei zong hong hehpih hi.

ROM (Romans) 9:2

ka dah mahmah a, ka lungsim sungah tawlnga loin lungmangin gimin ka om hi.

Johan 16:6

Ahih hangin hih thute note kiangah kong gen ciangin, note lungsung uh dahna tawh a kidim zo hi.

Mattiu 26:38

Tua ciangin Zeisu in, “Si dek takin ka dah hi. Hih san takah kei tawh ngak un,” ci-in thu a pia hi.

Kah la 1:9

A kihhuaina teng kimu khia pah hi napi, gimna thuak ding ahih lam bang mah a awlmawh thei tuan kei hi. Tua ahih manin gimna a thuakna lian lua mahmah a, kuamah in a hehnem zo kei hi. A galte in zo ahih manin Topa kiangah hehpihna a ngen hi.

Late 116:3

Sihna khau in kei hong gakcip hi; Leinuai sihna in kei hong mancip a, natna leh lungkhamna ka thuak hi.

Late 74:18

Topa aw, galte in hong thusimlohna leh, dawi bia mite in nangma min a simmawhna thu uh phawk in.

Late 74:10

Pasian aw, galte in bang tanvei hong thusim loin om ding ahi hiam? Langpangte in nangma min hong simmawh den ding ahi uh hiam?

Late 42:4

Ka lungsim sung ka suahkhia a, pawi bawl mi honkhat, kipak a otna leh nuamna la tawh Pasian’ innah ka makaihna, mihon tawh ka paina ka phawk hi.

Late 31:18

Thumante lang pang a, kihihsak pau in, kiphatsakna leh simmawhna tawh kam a pau, zuauthu gen mukte pau thei lo sak in.

Late 10:18

Pa nei lo leh nen’niamna a thuakte tungah na thutang a, leitung mite in launa tuak kha nawn lo ding hi.

Late 9:6

Siat denna sungah galte beimang hi; a khuate uh na zunglot hi; amau kiphawk kha nawn lo hi.

Late 8:2

naungekte leh naupangte’ kam tawh kisa hi; gal na neih manin galte leh langpangte na daihsak nadingin panmun kip na bawl khin hi.

Late 7:2

Hong hon kei lecin, hong hon ding dang om lo ahih manin amaute in humpinelkai bangin hong kaikhia-in hong balgawp ding uh hi.

Esther 7:6

Tua ciangin Esther in, “Hong langpang ka galpa! Hih mi gilo Haman!” a ci hi. Tua lai takin kumpipa leh kumpinu’ mai-ah cih nading thei loin Haman om hi.

Nehemiah 2:2

Amah in, “Ci na lopi-in bang hangin na mai khing ahi hiam? Na dahna khat om hi ding hi,” hong ci hi. Tua ciangin lau mahmahna tawh

1 SAMUEL MASA 24:19

Bang hang hiam cih leh mi khat in a galpa mu leh amah in a suakta-in amah paikhia sak ding ahi hiam? Tua ahih ciangin tu ni-in kei tungah nong bawlna hangin Topa in a hoih tawh nang thaman hong pia hen.

1 SAMUEL MASA 18:29

Saul in David kihta semsem hi. Tua ahih ciangin Saul in David’ gal hi tawntung hi.

Luka 22:53

Keimah in ni simin biakna innpi sungah note tawh ka omkhop lai takin na hong man kei uh hi. Ahih hangin hih hun in note hun leh khuamial’ vangliatna hun ahi hi,” a ci hi.

Jeremiah 45:3

Nangmah in, ‘Gimna ka thuak hi! Bang hang hiam cih leh Topa in ka dahna leh ka natna hong behlap hi. Ka tautauna-in ka gim khin zo a, ka tawlnga thei kei hi,’ na ci hi.

Late 38:17

Bang hang hiam cih leh puk dingin ka kithawi a, ka gimna kam tuan lo hi.

Late 6:4

Topa aw, hong kihei in la kei hong gum in; itna kip neipa na hih manin keimah hong hon in.

Kah la 5:20

Bang hanga sau veipi hong pampaih na hi hiam? Kote hong phawkkik nawn lo ding na hi hiam?