Late 13:1 - Tedim Bible

¹ Topa aw, bang tanvei hi ding ahi hiam? Kei hong mangngilh paisuak ding na hi hiam? Bang tanvei kei kiang pan na maitang seel ding na hi hiam?

Tedim Bible Revision 2017

¹ Topa aw, bang tanvei hi lai ding ahi hiam? Kei hong mangngilh paisuak ding na hi hiam? Bang tanvei kei kiang pan na maitang seel ding na hi hiam?

Late 13:1 Referans Kwoze

JOB (Job) 13:24

Bang hangin kei hong peel a, gal bangin hong ngaihsun na hi hiam?

Late 89:46

Topa aw, nang bang tanvei bucip den ding na hi hiam? Na hehna bang tanvei mei bangin kuang ding ahi hiam?

Kah la 5:20

Bang hanga sau veipi hong pampaih na hi hiam? Kote hong phawkkik nawn lo ding na hi hiam?

Late 80:4

Vanglianpen Topa Pasian aw, na mite’ thungetna-ah nang bang tanvei sin so ding na hi hiam?

Late 6:3

Ka hin’ gim mahmah hi. Topa— bang tanvei hong sawt lai ding na hi hiam?

Late 44:24

Bang hangin na maitang seel na hi hiam? Bang hangin ka thuakna uh leh hong kisukcipna mangngilh na hi hiam?

Late 35:17

Topa aw, bang tanvei hong en khong ding na hi hiam? Amau hong sukgawpna panin keimah hong honkhia in la, humpinelkaite kiang panin ka nuntakna hong hon in.

Late 10:12

Tho in, Topa! Pasian aw, na khut lamto in la, a thuakte mangngilh kei in.

Late 85:5

Kote tungah hong heh paisuak ding na hi hiam? Khang tawntungin heh paisuak ding na hi hiam?

Late 74:1

Pasian aw, bang hangin kote hong paikhia paisuak na hi hiam? Bang hangin nangma gam sunga na tuute tungah heh na hi hiam?

Isaiah 59:2

ahih hangin note’ mawhnate in note leh na Pasian uh kikhenna piangsak a, amah in hong zak theih loh nadingin na khialhnate un ama maitang liah hi.

Late 90:14

Ka nuntak tawntung uh lungdamin ka kipak theih nadingun zingsangin na itna kip tawh kote hong lungkimsak in.

Thu-hilhkikna 31:17

Tua hun ciangin amaute tungah ka hehna so-in, amaute nusia-in ka mai ka seel ding a, amaute beimang ding uh hi; tua ni ciangin amaute in, ‘Eite lakah i Pasian a om loh manin hih siatnate i tungah hong tung hilo ahi hiam? a cih theih nadingun amaute tungah siatna leh gimna tampi tung ding hi.