Late 128:2 - Tedim Bible

² Na khut tawh na sepsa thaman na ne ding a, na lungdamin na ma vang ding hi.

Tedim Bible Revision 2017

² Na khut tawh na sep thaman na ne dinga, na lungdamin na maavang ding hi.

Late 128:2 Referans Kwoze

Isaiah 3:10

Amaute tungah thu hoih ding hi, ci-in thuman mite kiangah gen un, bang hang hiam cih leh amaute in amau gamtatna hoih a gah ne ding uh hi.

Isaiah 62:8

Topa in lim takin thuciamna bawl khin zo a, a vangliatna tawh tungsak ding hi: “Na galte’ an dingin na ante ka piakik nawn kei ding a, nangma sepsa leenggahzu gamdang mite in dawn nawn lo ding hi;

Thu-hilhkikna 28:4

Note’ sung pana piangte, leh na leitang pan uh a, gahte, leh na ganhing pan uh a, piang na bawngte uh pungin, na tuuhonnote uh tungah thupha om ding hi.

Thu-hilhkikna 28:11

Note piak dingin na pu na pate uh tungah Topa in a ciamna gam sungah note’ sung pana piangte, na bawng pan uh a, piangte leh na leitang pan uh a, gahte ah Topa in note nakpi takin hong hau sak ding hi.

1 KORIN MASA 15:58

Tua ahih ciangin ka it ka ute ka naute aw, Topa’ nasep na hahkatna uh in Pasian tungah a mawkna hi lo hi cih thei na hih ciangun lungkipin, kicingin, kiam loin, hoi loin hahkat-in sem un.

Thuhilh-sia 8:12

Mawhnei khat in zavei dong siatna bawl napi-in, a khan’ sau veve hi. Ahi zongin, “Pasian a zahtakte adingin, thu khempeuh nuam ding hi.

Jeremiah 22:15

Taamtaak sing tawh inn na lam manin kumpi kisa na hi hiam? Na pa in an ne tui dawn a, thumanna leh diktatna tawh na a sep manin a maa pai hilo ahi hiam?

Isaiah 65:13

Tua ahih ciangin Topa Pasian in hih bangin ci hi: En un, ka nasemte in ne ding a, ahih hangin note na gilkial ding uh hi; en un, ka nasemte in dawn ding uh a, ahih hangin note na dangtak ding uh hi; en un, ka nasemte lungdam ding uh a, ahih hangin note na mai uh zum ding hi;

Thu-hilhkikna 28:51

note na siat matengun amaute in na ganhingnote uh leh na leitang panun a piang gahte hong neksak ding uh hi; amaute in note hong beisak matengun note adingin an, leenggahzu, ahih kei leh sathau, na ganhingte uh ahih kei leh na tuuhonnote uh zong hong nusiat lo ding uh hi.

Thu-hilhkikna 28:39

Note in leenggah lo zuanin na puah ding uh a, ahih hangin leenggahzu dawn loin, leenggah zong na ne kha kei ding uh hi; bang hang hiam cih leh lung in tuate ne ding hi.

Piancilna 3:19

Lei-ah na ciahkik matengin na maitang-ah khua-ul tawh an na ne ding hi, bang hang hiam cih leh tua sung panin nang hong kipiangsak a, nang in leivui na hi hi, leivui-ah na ciahkik ding hi,” ci hi.

Late 109:11

Ama leibatna-pa in a neih khempeuh man hen la, khualmite in a om lai sunsunte sut ta hen.

Thu-hilhkikna 28:8

Topa in note’ ansal tung leh na hihna khempeuh uhah thupha hong puak ding hi; Topa na Pasian un note hong piakna leitangah amah in note tungah thupha hong pia ding hi.

Late 1:3

Amah in luitui luang gei-a kisuan, ama gah hunin gah a, a teh a vul lo singkung tawh kibang hi. Ahihna khempeuh ah a ma pai hi.