Late 127:3 - Tedim Bible

³ En un, tapate pen Topa’ tung pan-a letsong hi a, tate pen ama hong piak thupha ahi hi.

Tedim Bible Revision 2017

³ En un, tate pen Topaʼ tung pan a letsong hi a, tapate pen ama hong piak thupha ahi hi.

Late 127:3 Referans Kwoze

Thu-hilhkikna 28:4

Note’ sung pana piangte, leh na leitang pan uh a, gahte, leh na ganhing pan uh a, piang na bawngte uh pungin, na tuuhonnote uh tungah thupha om ding hi.

1 SAMUEL MASA 1:27

Hih naupang ka ngen hi; Topa in keima ngetna bangin amah hong pia hi.

Isaiah 8:18

En un, Topa in kei hong piak ka tate leh keima pumpi pen, Zion Mual tunga a teeng Vanglianpen Topa’ tung panin Israel mite sungah lim leh kihilna ka hi uh hi.

Piancilna 48:4

kei' kiangah, 'En in, nang hong pungsakin, tampi hong phasakin, mihing hon khatin hong bawlin, nang’ khit cianga na suan-le-khakte tunga a neih dingin hih leitang ka pia ding hi,’ hong ci hi.

Piancilna 33:5

Esau khuadak to-in nupite leh naupangte a muh ciangin, amah in, “Nang tawh a om hihte kuate ahi hiam?” ci hi. Jakob in, “Pasian in hehpihna tawh na nasempa a piak tate ahi hi,” ci hi.

Piancilna 1:28

Pasian in amaute thupha pia a, Pasian in amaute' tungah, “Ci pha-in tampi pha un la, leitung dimin zo un; tuipi ngasate' tung, huih lak vasate' tung, leitungah a gamtaang, a nungtate khempeuh' tungah ukna nei ta un,” ci hi.

Piancilna 24:60

Amaute in Rebekah thupha pia-in ama' kiangah, “Kote’ sanggamnu aw, a tul-tul a then-thente’ nu hi ta in; na suan-le-khakte in amau a mudahte’ khuapite luah ta uh hen!” ci uh hi.

1 KHANG TANGTHU MASATE 28:5

Tua ciangin ka tapate khempeuh lak panin (bang hang hiam cih leh Topa in kei tungah tapa tampi hong pia hi) Israel tungah Topa’ kumpi tokhom tungah a tu dingin amah in ka tapa Solomon teel khin hi.

Isaiah 13:18

Amau’ thalte in tangvalte that ding hi; amaute in gil sung pan a, piang naungeekte hehpih lo ding uh hi; amaute’ mit in naupangte khasiat lo ding hi.

Piancilna 4:1

Tu-in Adam in ama’ zi Evua luppih a, amah gai-in Kain nei a, “Topa’ huhna tawh mi khat ka ngah khin hi,” ci hi.

Thu-hilhkikna 28:11

Note piak dingin na pu na pate uh tungah Topa in a ciamna gam sungah note’ sung pana piangte, na bawng pan uh a, piangte leh na leitang pan uh a, gahte ah Topa in note nakpi takin hong hau sak ding hi.

Thukhente 12:9

Amah in tapa sawmthum nei hi; ama beh pualam mite tungah tanu sawmthum mokhak a, a pualam panin a tapate adingin tanu sawmthum la hi. Amah in Israelte kum sagih sung thu khen hi.

2 SAMUEL NIHNA 3:5

A gukna in David’ zi Eglah ta Ithream ahi hi. Hihte Hebron khua-ah David’ sungpan hong suak hi.

1 KHANG TANGTHU MASATE 8:40

Ulam’ tapate in a thahat galhangte, thaltawite, tapa tampi leh tupa tampi a neite hi a, mi za leh sawmnga pha uh hi. Hihte khempeuh in Benjamin minamte ahi hi.

JOB (Job) 1:2

Amah in tapa sagih leh tanu thum nei hi.