Late 124:3 - Tedim Bible

³ ei tunga amau hehna a kisosuah ciangin amaute in eite a hingin hong nawmvalh khin ding uh hi;

Tedim Bible Revision 2017

³ eiteʼ tungah a hehna uh a kisosuah ciangin amaute in eite a hingin hong nawmvalh khin ding uh hi.

Late 124:3 Referans Kwoze

Sawltak 9:2

hih Lampi a zui numeite ahi zongin, pasalte ahi zongin a muh ciangin, khau tawh a khih khit ciangin Jerusalem khua-ah paipih dingin Damaskas khua kikhopna inn ukte kiangah vaikhakna lai piak nading siampi ukpa kiangah a ngen hi.

Mattiu 2:16

Herod kumpipa in mi pilte’ khemna a theih ciangin a thangpai mahmah a, mite sawl a, mipilte kiangah a tel taka a dot hun tawh kizui-in Bethlehem khua-a kipan khua kimah a om kum nih nuaisiah pasalno khempeuh a thatsak hi.

Daniel 3:19

Tua ciangin Nebukhadnezzar kumpipa in Shadrak, Meshak leh Abednego-te tungah heh mahmah ahih manin a mai a san pempam hi. A sat ngeina zah sagih vei a sazaw meiphualpi cih dingin a mite thu a pia hi.

Late 57:3

Amah in vantung panin hong dawngin keimah hong hon ding a, amah in kei hong tuancilte maizumin koih ding hi. Pasian in a itna kip leh a thumanna hong lak ding hi.

Late 35:25

Amau leh amau tungah, “Ha, i tuptup tung ei!” kici sak kei in. “Amah nawmvalh tum khin hang,” amaute cisak kei in.

Late 27:2

Ka langpangte leh ka galte ahi, siatna bawlte in hong do a, kei hong gensiat ciangun, amaute kisuikha-in puk ding uh hi.

Jeremiah 51:34

“Babilon kumpipa Nebukhadznezzar in Jerusalem khua hong valhtum a, hong sukham gawp hi. Beel hawm bangin a hawmin hong koih a, gulpi bangin hong nawm valh hi. Ka neihsa a lim nono tawh amah kivak kham a, kei a hong hawlkhia hi.

Paunak 1:12

I muh tungin a cidam, a hing kimlai hi napi, i suk khit ciangin a sisa hi ding!

Late 83:4

Amaute in, “Hong pai un, amaute minam khat hihna panin beisak ni; Israel min kiphawksak nawn kei ni!” ci uh hi.

Late 76:10

Mite’ hehna in nangmah hong kiphatna piangsak ding a, na hehna pan a suakta sun mite in nangmah pahtawina pawi bawl ding uh hi.

Late 74:8

Amaute in, “A vekpi-in zomang khin ni,” kici uh a, gam sung teng-a om Pasian biakna inn khempeuh mei tawh hal uh hi.

Esther 3:6

Amah in Mordekai’ mipihte a theih ciangin amah bek suk taak sa lo a, Ahasu-eras’ kumpi gamsung khempeuh a, a om Judah mi khempeuh, Mordekai leh a minam buppi-in a suksiat theih nading lampi zong hi.

Jonah 1:17

Ahih hangin Jonah a nawmvalh dingin Topa in ngapi khat a geelkholh sa hi a, tua ngapi’ gil sungah Jonah sun thum leh zan thum sung a om hi.

Late 83:5

Hi hi, amaute in siat nading geelin kithukhat uh hi; amaute in nangmah lang pangin thuciam bawl uh hi—