Late 122:6 - Tedim Bible

⁶ Jerusalem khuapi’ nopsak nading thu ngen un la, “Nang hong itte a dau uh pai ta hen!

Tedim Bible Revision 2017

⁶ Jerusalem khuapi, a nopsak nading thu ngen unla, “Nang hong itte a daupai tahen.

Late 122:6 Referans Kwoze

Late 51:18

Na lungkimna pha tawh Zion tungah a pha bawl in; Jerusalem kulhpite ciang kik in,

Jeremiah 29:7

Note sal-a kong koihna khuapi’ phattuam nading bawl un la, tua khuapi adingin Topa tungah thu ngetsak un. Bang hang hiam cih leh tua khuapi in phattuamna a ngah leh no zong phattuamna a ngah mah na hi uh hi.

Piancilna 12:3

Nang thupha hong piate thupha ka pia ding a, nang hong samsia mi ka samsia ding hi; nang’ tung tawnin leitung innkuan khempeuh in thupha ngah ding uh hi,” ci hi.

Jeremiah 51:50

“Namsau in a hong thah khak loh a nungta lai note aw, pai un, dingding kei un! Gamlapi pek panin Topa hong phawk un la, Jerusalem khua zong mangngilh kei un.

Gamlak-vakna 24:9

Amaute bok hi, humpinelkaipa bangin lumsuk uh hi, humpinelkaipi bangin lumsuk uh hi; kua in amaute phong ngam ding ahi hiam? Note thupha hong piate in thupha ngah hen la, note hong samsiate in samsiatna ngah ta hen,” a ci hi.

1 JOHAN MASA 3:14

Eite in ute naute khat leh khat ki-it i hih man-inah sihna panin nuntakna ah i galkah zo hi cih i thei hi. A it lo mi in sihna sungah a om lai hi.

Efesa 4:3

kilem a, kipawlin, kikhopna hangin note in Kha Siangtho hanga na ngah uh pum khat bek ahihna na zuih nadingun na hahkat un.

Johan 17:21

Nang in kei nong sawl cih leitung mite in a up nadingun Pa aw, keima sungah na om a, kei in nangma sungah ka om bangin, amaute zong eimau sungah om-in pumkhat a suah nadingun thu kong ngen hi.

2 THESALONIKA NIHNA 3:16

Nopna’ Topa mahmah in note a tawntungin nopna apawl pawl hong pia ta hen. Topa in note khempeuh tawh omkhawm ta hen.

1 SAMUEL MASA 12:23

Tua tham loin kei zong, note adingin Topa tungah thunget lohna tawh ka na khial het kei ding hi; keimah in a hoih a man lampite note kong hilh ding hi.

Nehemiah 11:1

Tua ciangin Jerusalem ah mi makaite teeng uh hi; tua lo midang teng, amau’ lak pan mi sawm-ah khat, khuapi siangtho Jerusalem ah a teeng dingin aisaanna tawh kiteel uh a, a om lai mi sawm-ah kuate ahih leh khuapi dangte ah om uh hi.

Nehemiah 11:2

Tua hi a, sawl lohin, Jerusalem ah amau thu-in a teeng tawm nuam khempeuhte tungah mite lungdam uh hi.

Esther 4:8

Amaute a kisukmang nadingin Susa khua panin a kihawmkhia lai dal khat zong Mordekai in ama tungah pia a, amah in Esther tungah tua lai na pia-in a thu a na gentel nading leh, kumpipa kiangah Esther na pai-in ama mipihte adingin a na thuumsak ding zong sawl hi.

Isaiah 66:10

Naungeek in a nu’ nawi teepin nuam a sak mah bangin, Jerusalem in nuam a sakna ah nuam na sak khawm theih nadingun, amah a it khempeuhte aw, Jerusalem tawh lungdam un la, ama hangin kipak un; ama hangin kapin a thuum khempeuhte aw, ama lungdamna ah amah tawh lungdam khawm un, ci hi.