Late 12:7 - Tedim Bible

⁷ Topa aw, kote hong dal in la, tu khang mite kiang panin hong kem in.

Tedim Bible Revision 2017

⁷ Topa aw, kote hong dal inla, tu khang mite kiang panin kote hong kem in.

Late 12:7 Referans Kwoze

1 SAMUEL MASA 2:9

“Amah in a thuman ama mite kalsuanna cing ding a, ahih hangin migilote khuamialna sungah kikhiasuk ding hi; bang hang hiam cih leh thatang hatna tawh mi gualzo lo ding hi.

1 PETER MASA 1:5

Tua luahna in a nunung bel hun ciangin hong kilat nadingin a kibawlkholsa-a om gupkhiatna i ngah nadingin i upmanin Pasian’ vangliatna in hong kipsak note ading, vantungah kikhol-a a om luahna ahi hi.

Late 145:20

Topa in amah a itte khempeuh kem a, ahih hangin migilote khempeuh amah in susia ding hi.

Late 121:8

Topa in, tu-a kipan a tawntungin na pusuahna na sungtumna-ah nang hong kem ding hi.

Late 37:40

Amaute in Topa bel ahih manin amah in amaute huhin honkhia hi; migilote kiang panin amaute honin suaktasak hi.

Mattiu 3:7

Farisai-te leh Saddusi-te a kibaptaiz dinga hong pai Johan in a muh ciangin, “No mualtan’ suante aw, a hong tung ding hehna pan na taikhiat nadingun kua in hong hilhkhol hiam?

Isaiah 27:3

Keimah, Topa in tua lo hongpa ka hi a, a hun hunin tui ka buak hi. Khatpeuh in a suksiat loh nadingin sun leh zan-in ka hong a,

Late 37:28

Bang hang hiam cih leh Topa in thutang deih a, a mi siangthote nusia lo ding hi. Thuman mi kikemcing den ding a, ahi zongin migilo’ tate kipuaseh ding hi.

Late 16:1

Pasian aw, nangmah hong bel ka hih ciangin keimah hong kem in.

Late 10:18

Pa nei lo leh nen’niamna a thuakte tungah na thutang a, leitung mite in launa tuak kha nawn lo ding hi.

Thu-hilhkikna 33:3

Hi taktak hi, amah in a mite it a, ama tungah a ki-ap mite khempeuh a khut sungah om hi; tua ahih ciangin amaute in na khephung ah hong kun uh a, nang tung panin lamlahna ngah uh hi.

Juda 1:1

Zeisu Khazih’ sila leh Jeim’ sanggampa keimah Juda in, Pa Pasian hangin itna ngahin, Zeisu Khazih adingin kikemin, sapna a ngah mite kiangah ka hong zasak hi.

Late 18:31

Topa longal, Pasian kua hiam? Pasian longal, suangpi kua hiam?

Late 19:9

Topa a kizahtakna in siang a, kip tawntung hi; Topa’ ngeina kipte thuman a, a vekpi-in kituak takin man kim hi.

Late 119:140

Na thuciamnate lim takin ki-entel zo a, nangma nasempa in deih mahmah hi.