Late 12:6 - Tedim Bible

⁶ Topa’ thuciamnate in a siangtho thuciamna hi a, meikhuk sunga sagih vei a kisiangsak ngun tawh kibang hi.

Tedim Bible Revision 2017

⁶ Topaʼ thuciamnate, a siangtho thuciamna hi a, meikhuk sungah sagih vei a kisiangsak ngun tawh kibang hi.

Late 12:6 Referans Kwoze

Paunak 30:5

Pasian in a thugen khempeuh a manna laktel a, amah a belte khempeuh tungah kidalna lum ahi hi.

Late 18:30

Hih Pasian a thu kicing a, Topa’ kamciamna a manna kilang hi; amah a belte khempeuh adingin amah in kidalna lum ahi hi.

2 SAMUEL NIHNA 22:31

Hih Pasian a thu kicing hi; Topa’ kamciamna a manna kilang hi, amah a belte khempeuh adingin amah in kidalna lum ahi hi.

Late 19:8

Topa’ thuhilhte man a, lungsim nuam sak hi; Topa’ thupiakna siang a, mitte vaaksak hi.

Late 66:10

Bang hang hiam cih leh Pasian aw, nangmah in kote nong sin zo hi; mei tawh ngun a kisin bangin kote nong sin khin hi.

Late 119:140

Na thuciamnate lim takin ki-entel zo a, nangma nasempa in deih mahmah hi.

Paikhiatna 3:7

Tua ciangin Topa in, “Izipt-ah a om ka mihingte’ gimna mu khinin a uk nasem ukte hangin amau’ kikona ka za khin hi; amau’ thuaknate ka lunghimawh a,

Paikhiatna 3:8

Izipt mite’ khut sung panin amaute khahkhia-in, tua leitang panin amaute lakhia-in a hoih a tanzau leitang, bawngnawi leh khuaizu a luan’na leitang, Kanaan mite, Hit mite, Amor mite, Perez mite, Hiv mite leh Jebus mite’ omna-ah amaute paipih dingin kong paisuk hi.

Paikhiatna 6:1

Ahih hangin Topa in Moses kiangah, “Tu-in Faro’ tungah ka bawl ding na mu ding hi; bang hang hiam cih leh a thahat ka khut hangin amah in ut lopipi-in amaute sawlkhia ding hi, hi hi, amah in ut lopipi-in a thahat ka khut hangin ama' leitang panin amaute hawlkhia ding hi,” ci hi.

JOB (Job) 20:19

Bang hang hiam cih leh amah in mizawngte bawlsia-in don lo a, midangte’ inn lamsate sutin a tang hi.

JOB (Job) 28:1

“Ngun a kitawh khiatna ngunkhuk om a, kham a kisian’ sakna mun mah a om hi.

Late 9:13

Ka tungah hong dik in, Topa! Sihna panin hong honkhiapa aw, kei hong mudahte tung pan ka thuakna hong en in la,

Late 76:10

Mite’ hehna in nangmah hong kiphatna piangsak ding a, na hehna pan a suakta sun mite in nangmah pahtawina pawi bawl ding uh hi.

Paunak 22:23

Bang hang hiam cih leh Topa in amaute pan’pih ding a, amau a bawlsiate tungah phu laksak ding hi.

Isaiah 14:22

Vanglianpen Topa in, “Amaute’ lang khatah ka pang ding a, “Babilon min leh a om lai mite, tate leh suan leh khakte ka susia ding hi, Topa in ci hi.

Isaiah 33:10

Topa in, minam dangte kiangah, “Tu-in ka tho to ding a, ka vangliatna ka lak ding hi; tu-in kei hong kipahtawi ta ding hi.