Late 119:2 - Tedim Bible

^2-3 Ama thuhilhnate zui a, amau lungsim khempeuh tawh amah zongin, khialhna zong bawl lo a, ama lampi a zuite in thupha ngah ahi hi!

Tedim Bible Revision 2017

^2-3 Ama thuhilhnate zui-in, a lungsim khempeuh uh tawh amah zongin, khialhna zong bawl loin, ama lampi a zuite, thupha ngah ahi hi.

Late 119:2 Referans Kwoze

Jeremiah 29:13

Note in kei nong zong ding uh a, na lungsim khempeuh uh tawh nong zon’ uh ciangin nong mu ding uh hi.

Late 119:10

Ka lungsim khempeuh tawh nang kong zong hi; na thupiaknate panin kei hong pialsak kei in!

Thu-hilhkikna 4:29

Ahih hangin tua lai panin Topa na Pasian uh na zong ding uh a, na lungsim khempeuh uh leh, na nuntakna khempeuh uh tawh na zon’ uh leh amah na mu ding uh hi.

Johan 14:23

Zeisu in, “Kei hong it mi in ka thu zui ding a, ka Pa in amah a it ding a, ama kiangah hawhin, amah tawh ka omkhawm ding uh hi.

Late 25:10

Ama thuciamna leh a thu a kipsakna a zuite’ adingin Topa’ lampite in itna kip leh cihtakna hi.

Ezekiel 36:27

Note sungah keima kha kong guan ding a, note tungah kong piak ka thukhamte leh ka thupiakte lim takin kong zui sak ding hi.

Paunak 23:26

Ka ta aw, na lungtang kei hong pia in la, ka gamtatnate na mit-in en gige in.

Thu-hilhkikna 6:17

Amah in note hong thupiaksa ahi Topa na Pasian uh thupiaknate, a tecipan’nate leh a thukhamte lim takin na kem ding uh hi.

2 KHANG TANGTHU NIHNATE 31:21

Amah in Pasian’ inn sung nasepna leh thukham leh thupiaknate tawh kizui-in a hihna ah ama Pasian zongin, a lungsim khempeuh tawh sem a, a ma vang hi.

1 KUMPI MASATE 2:3

amah in kei tungah hong gen, ‘Na tapate in a lungsim khempeuh uh leh a nuntakna khempeuh uh tawh keima mai-ah thuman takin pai ding lim takin a ngaihsut uh leh Israel kumpi tokhom tungah khat beek in nang hong tamasak lo ding hi,’ ci-a a thugenna Topa in a kipsak theih nading; na hihna khempeuh ah na dau a pai nadingin Moses’ thukham sungah a kigelh bangin Topa in na Pasian’ thuhilhna zui-in, ama lampite tawn in la, ama thukhamte, a thupiaknate, a biakna ngeina kipte leh a tecipan’nate zui in.

1 JOHAN MASA 3:20

Bang hang hiam na cih uh leh, i lungsim in hong mawhsak leh, i lungsim sangin Pasian lian zaw a, amah in na khempeuh a thei hi.

Thu-hilhkikna 6:5

Topa note’ Pasian, na lungsim khempeuh, na nuntakna khempeuh uh leh na thahatna khempeuh uh tawh na it ding uh hi.

Late 119:22

nangma thuhilhnate zui khin ka hih manin amau’ hong nuihsatna leh hong simmawhnate panin kei hong suakta sak in.

Late 119:146

Nang tungah kong kiko hi; na thuhilhte ka zuih theih nadingin kei hong hon in.

1 KHANG TANGTHU MASATE 22:19

Tu-in Topa na Pasian uh a zong dingin na ngaihsutna uh leh na lungsim uh kipsak un. Topa’ min dingin a kilam inn sungah Topa’ thuciamna singkuang leh Pasian’ um-le-beel siangthote a kipaipih theih nadingin kithawi un la, Topa Pasian’ biakinn lam un,” a ci hi.

Late 119:17

Nungta-in nangma thu ka zuih theih nadingin na nasempa tungah hong cingh in.

Late 119:33

Topa aw, na ngeina kip lampi kei hong hilh in; among dongin ka zui ding hi.

Late 119:34

Nangma thute kemin ka lungsim khempeuh tawh ka zuih theih nadingin thu theihtelna kei hong pia in.

Late 119:57

Topa pen keima tanh ahi hi; na thute zuih ding ka kiciam hi.

Late 119:69

Mi kiphasakte in kei’ langah zuauthu vive gengen uh a, ahih hangin ka lungsim khempeuh tawh na thuhilhte ka zui hi;

Late 119:88

Nangma kam pan-a na teci pan’nate ka zuih theih nadingin na itna kip tawh kei hong hing sak in.

Late 119:101

Nangma thu ka zuih theih nadingin gamtat sia khempeuh ka pelh hi.

Late 119:115

No, siatna bawlte aw, Pasian’ thupiaknate ka zuih theih nadingin kei kiang panin paikhia un.