Late 119:1 - Tedim Bible

¹ Amau gamtatna-ah paubaan’na om lo a, Topa’ ngeina sunga gamtate in thupha ngah ahi hi!

Tedim Bible Revision 2017

¹ Amauʼ gamtatna ah paubaan om loin Topaʼ ngeina sungah a gamtate thupha ngah ahi hi.

Late 119:1 Referans Kwoze

Luka 11:28

Zeisu in, “Pasian thu za a, a mangte in thupha a ngah zaw ding hi,” ci-in a gen hi.

Ezekiel 11:20

Tua ciangin amaute in ka thukhamte zui-in ka thupiak khempeuh citakin mang ding uh hi. Amaute in keima mi hi-in, keimah in amaute’ Pasian ka hi ding hi.

Jeim 1:25

Suahtakna tawh kizom a kicing thukham lim takin entel a, a zuisuak mi in thu a zak ciangin mangngilh loin zui ahih manin a sepna ah thupha a ngah ding hi.

Late 128:1

Topa zahtak-in ama thu a zui mi khempeuh thupha ngah mi ahi hi!

Johan 13:17

Tua nate thei-in na hih le-uh teh, thupha na ngah ding uh hi.

Luka 1:6

Tua tegel in Pasian’ thukham khempeuh leh Pasian’ ngeina khempeuh zui uh a, mawhsak na’ng om loin Pasian mai-ah mipha ahi uh hi.

Late 112:1

Topa phat un. Topa zahtak-in ama thupiaknate nuam a sa mahmah mi in thupha ngahpa ahi hi!

Paunak 11:20

Topa in lungsim gilo mite mudah a, a man-a gamtate tungah lungkim hi.

Sawltak 24:16

Tua ahih ciangin Pasian tungah ahi zongin, mite tungah ahi zongin, ka lungsim sungah kimawhsakna a om lohna dingin, a tawntungin ka hahkat hi.

Late 101:2

Paubaan’na a om lo thu bek ka kin ding hi. Cik ciangin kei kiangah nang hong pai ding na hi hiam? Lungsim hoihna tawh ka inn sungah ka gamta ding hi;

Hosea 14:9

Mipil, thu ngaihsun theite in hih thute thei telin lim takin ciamteh ta hen. Topa’ lampi tang mahmah a, thutang mite in tua lampi tawn uh hi. Mawhneite in tua lampi tawn lo uh ahih manin puk uh hi.

Mangmuhna 22:14

“Nuntakna kung kiangah pai ding kilawm a, khuapi sungah khuapi kongpi pan tum theih nading thu ngah nadingin, amau puan uh a sawpsiang mite in thupha ngah mite ahi uh hi.

Late 101:6

Leitungah a thuman mite kei tawh a omkhop theih nadingun maipha ka pia ding a, paubaan’na om lo a, a gamta mi in keima na hong sem ding hi.

2 KORIN NIHNA 1:12

Kote kisaktheihna in leitung pilna suang loin, Pasian’ hehpihna thupha suangin Pasian hong piak lungsim siangthona leh dikna tawh, a lian belin gen lehang, kote in note lakah ahi zongin, leitungah ahi zongin gamta-in ka bawl uh hi ci-in ka theihna lungsim un teci hong pang hi.

Johan 1:47

Nathanael hong pai Zeisu in a muh ciangin, “En un, ama sungah kheemna om lo Israel mi taktak ahi hi,” ci-in tua pa’ thu a gen hi.

JOB (Job) 1:8

Tua ciangin Topa in Satan kiangah, “Ka nasem Job na phawk kha hiam? A paubaang lo a thutang, Pasian zahtakin gamtat hoih lo a pel, amah tawh a kibang midang leitungah na mu kei ding hi,” a ci hi.

JOB (Job) 1:1

Uz gamah Job kici min nei mi khat om hi; tua mipa a paubaang lo, a thutang, Pasian a zahtak mi khat hi a, amah in gamtat hoih lo peuhmah pel hi.

2 KUMPI NIHNATE 20:3

“Nangma mai-ah thuman tak leh lungsim khempeuh tawh ka gamtatna, leh nangma muhna ah a hoih ka sepna thu tu-in hong phawk in, kong thum hi, Topa aw,” a ci hi. Tua ciangin Hezekiah nakpi takin kap hi.

Paunak 13:6

Diktatna in midikte hu a, gitlohna in mawhneite’ pukna hi.

2 SAMUEL NIHNA 22:22

Bang hang hiam cih leh Topa’ thu ka zui a, ka Pasian ka langpang kei hi.

Paunak 29:18

Pasian’ lamlahna a kizuih lohna gam-ah, gamsung mite phengtat uh a, Pasian’ thukham a zui mite a lungdam hi.