Late 118:7 - Tedim Bible

⁷ Kei hong huh dingin kei lamah Topa om hi; kei hong mudahte pen gualzawhna tawh ka en ding hi.

Tedim Bible Revision 2017

⁷ Kei hong huh dingin kei lamah Topa om hi. Kei hong mudahte pen gualzawhna tawh ka en ding hi.

Late 118:7 Referans Kwoze

Late 59:10

Ka Pasian in ama itna kip tawh kei hong dawn ding a, ka Pasian in gualzawhna tawh ka galte hong ensak ding hi.

Late 54:4

En in, Pasian in kei hong huhpa hi a, Topa in kei hong huhpa ahi hi.

Late 54:7

Bang hang hiam cih leh haksatna khempeuh panin kei nong honkhia khin a, ka galte a guallelhna ka mu khin hi.

Late 55:18

Amah in ka galsimna-ah kei hong honin, a muan’huai munah hong koih ding hi, bang hang hiam cih leh keimah do dingin mi tampi kigual deudau uh hi.

Late 112:8

Amah lau lo, lunghimawh loin om hithiat a, amah a langpangte a guallelh ding lamtak theitel hi.

Late 92:11

Ka galte’ pukna ka mitte in mu khin a, keimah hong do a gilote’ siatna ka bilte in za khin ta hi.

1 KHANG TANGTHU MASATE 12:18

Tua ciangin mihing sawmthum a ukpipa Amasai tungah Pasian Kha Siangtho hong tung a, amah in, “Kote in nangma’ aa hi ung, David aw; nang tawh om ung, Jessi’ tapa aw! Nopna, nopna nang tungah om hen la, nang hong huhte tungah nopna om ta hen! Bang hang hiam cih leh na Pasian in nang hong huh hi,” a ci hi. Tua ciangin David in amaute sang a, ama galkap uliante-in bawl hi.

Late 54:6

Utna lungsim tawh na tungah biakpiakna kong pia ding a, nang hoih na hih manin, na tungah lungdamna kong ko ding hi, Topa aw.

Late 59:11

Amaute that kei in, that lecin ka mite in mangngilh ding hi; na vangliatna tawh amaute kilok gawp sak in la, amaute niamkhiat in, Topa, komau’ lum aw!

Isaiah 41:13

Bang hang hiam cih leh keimah Topa na Pasian in na khut taklam ka len hi; Lau kei in, nangmah kong huh ding hi,” nang tunga hong cipa in keimah ka hi hi.