Late 118:6 - Tedim Bible

⁶ Topa in kei hong ompih hi; bangmah ka kihta kei ding hi. Mi in kei bang hong cih zo ding ahi hiam?

Tedim Bible Revision 2017

⁶ Topa in kei hong ompih hi. Bangmah ka kihta kei ding hi. Mihingte in kei, bang hong cih zo ding ahi uh hiam?

Late 118:6 Referans Kwoze

Hebru 13:6

Tua ahih ciangin: “Topa in kei hong huhpa hi a, ka lau kei ding hi. Mite in kei tungah bang hong cih thei ding ahi uh hiam?” ci-in kimuan’na lungsim tawh i gen thei hi.

ROM (Romans) 8:31

Tua bang ahih leh, hih thu hangin bang gen ding i hi hiam? Pasian in eite lamsang ah a om leh, kua in eite lang khatah a pang zo ding hiam?

Late 56:4

A thu ka phat Pasian’ sungah, lunghihmawhna khat zong nei loin Pasian ka muang hi. Mihing ahi lelte in kei bang hong cih zo ding ahi hiam?

Late 56:11

lunghihmawhna khat zong nei loin Pasian ka muang hi. Mi in kei bang hong cih thei ding ahi hiam?

Late 56:9

Tua ciangin, keimah in ka koh ni peuh ciangin ka galte nungkik ding hi. Pasian pen keima aa ahihna thu ka thei hi.

Jeremiah 20:11

Ahih hangin Topa in a kihtak huai gal hangpa bangin, kei tawh hong omkhawm gige hi. Tua ahih manin kei hong bawlsiate a tuk ding uh a, kei hong zo lo ding uh hi. A tawntunga a mindaina uh kimangngilh ding hi.

Isaiah 51:12

“Kei, keimah in note hong hehnempa ka hi hi; lopa bang ahi, a si thei mi, mihing tate lellelte bang hangin kihta na hi uh hiam?

Late 23:4

Sihna lim guam sung nangawn ka nawk hangin, siatna ka kihta kei hi. Bang hang hiam cih leh kei tawh nang nong omkhawm hi. Na molhtum leh na ciangkhut in kei hong lungmuang sak hi.

Late 46:11

Mi honte’ Topa in ei tawh omkhawm a, Jakob' Pasian in eima belh ahi hi.

Late 146:5

Jakob’ Pasian pen ama huhpa hi-in, ama Topa Pasian, a muangpa in mi lungdam ahi hi.

Late 46:1

Pasian in eima belh leh i thahatna hi a, haksat hunin hong huh pahpahpa ahi hi.

1 SAMUEL MASA 17:11

Saul leh Israelte khempeuh in Filistia mipa’ kammalte a zak uh ciangin amaute lungkia-in nakpi takin lau uh hi.

1 SAMUEL MASA 17:37

Tua ciangin David in, “Humpinelkai khecin leh vom khecin panin kei hong honkhia Topa in hih Filistiapa khut sung panin kei hong honkhia ding hi,” ci thuah lai hi. Tua ciangin Saul in David kiangah, “Pai in, Topa in nang hong ompih ta hen!” a ci hi.

Late 56:5

Amaute in ka vai siatsak ding sunthapai-in hanciam uh a, amau’ ngaihsutnate khempeuh uh keima siat nading ahi hi.

Late 56:10

A thu ka phat Pasian’ sungah, a thu ka phat Topa’ sungah,

Late 56:12

Pasian aw, nang tunga ka kiciamna ka zuih kul hi; nang’ tungah lungdamna kong thuk ding hi.

Late 94:16

Kei adingin migilote do dingin kua kipan ahi hiam? Kei adingin siatna bawlte’ lang khatah kua ding ahi hiam?

Late 112:8

Amah lau lo, lunghimawh loin om hithiat a, amah a langpangte a guallelh ding lamtak theitel hi.