Late 118:5 - Tedim Bible

⁵ Ka cihmawhna-ah Topa ka sam a, Topa in hong dawng-in mun tanzau-ah hong koih hi.

Tedim Bible Revision 2017

⁵ Ka cihmawhna ah Topa ka sam a, Topa in hong dawngin mun tanzau ah hong koih hi.

Late 118:5 Referans Kwoze

Late 18:19

Amah in mun tanzau khatah kei hong paikhiatpih a, kei tungah lungkim ahih manin hong honkhia hi.

Late 18:6

Ka gimna-ah Topa ka sam a, ka Pasian’ tungah huhna ngenin ka kiko hi. Amah in a biakinn panin ka aw hong za a, amah ka kohna aw in a bilte va ban hi.

Late 120:1

Ka cihmawh ciangin Topa tungah ka kiko a, amah in hong dawng hi.

Late 107:19

Tua ciangin amaute in a lungkhamna uh-ah Topa ko uh a, amau cihmawhna panin amah in honkhia hi;

Late 31:8

galte khut sungah kei nong pia kei hi; mun tanzau-ah ka khe na dingsak hi.

Late 107:13

Tua ciangin amaute in a lungkhamna uh-ah Topa ko uh a, amau cihmawhna panin amah in honkhia hi;

Late 77:2

Ka lungkham hunin keimah in Topa zongin; zanin thungenin gim het loin ka khut ka zan a, ahi zongin hehnepna ka ngah kei hi.

Piancilna 32:7

Tua ciangin Jakob nakpi takin lau-in lungkham hi; amah in ama' kianga om mite, tuuhonte, bawnghonte leh kalaohte pawl nih-in khen hi,

Late 18:20

Topa in ka thumanna tawh kizui-in keimah noptuamna hong pia a, ka khut siangthona tawh kizui-in hong dinkik hi.