Late 118:15 - Tedim Bible

¹⁵ Ngai un! thuman mite’ puanbuk sungah gualzawh lungdamna la kisa a, “Topa’ taklam khut in a lian nate hih khin hi!

Tedim Bible Revision 2017

¹⁵ Ngai un! Thuman miteʼ puanbuk sungah gualzawh lungdamna la kisa a, “Topaʼ taklam khut in a lian nate hih khin hi.

Late 118:15 Referans Kwoze

Late 89:13

Nangma vang lian mahmah a, na thahatna kigen thei lo hi.

Late 60:12

Pasian tawh khauh takin i hih ding hi; amah in i galte hong sikcipsak dingpa ahi hi.

Paikhiatna 15:6

Topa aw, na taklam khut, vangliatna-ah minthang hi, Topa aw, na taklam khut in galte thehthang hi.

Luka 1:51

Ama ban tawh vangliatna a lak zo hi. Amau ngaihsutna lungsim uh a kiphasakte kikhenthang sak zo hi.

Late 98:1

Amah in nalamdangte bawl khin ahih manin Topa tungah la thak khat sa un! Ama khut taklam leh ama khut siangthote in amah gualzosak hi.

Mangmuhna 18:20

Vantung-a kipan misiangthote, sawltakte, kamsangte aw, tua khuapi hangin nuam un! Bang hang hiam na cih uh leh, Pasian in note tawh kipawlin ama tungah thu a khen zo hi!” a ci hi.

Sawltak 16:34

Ama innah lutpih a, an vaak a, Pasian a up manin, a innkuanpihte khempeuh tawh a lungdam uh hi.

Isaiah 65:13

Tua ahih ciangin Topa Pasian in hih bangin ci hi: En un, ka nasemte in ne ding a, ahih hangin note na gilkial ding uh hi; en un, ka nasemte in dawn ding uh a, ahih hangin note na dangtak ding uh hi; en un, ka nasemte lungdam ding uh a, ahih hangin note na mai uh zum ding hi;

Late 119:111

Nangma biakna ngeina kipte in tawntung keima luah ahi hi; hi hi, tuate in keima lungdamna ahi hi.

Late 68:3

Ahih hangin midikte lungdam ding hi; Pasian’ mai-ah amaute nuamin diang ding hi; amaute lungdamin awng ding uh hi.

Late 44:3

bang hang hiam cih leh amaute in amau namsau tawh leitang ngah lo uh a, amau khut in amaute gualzawhna pia lo hi; na khut taklam leh na baan, na hehpihna maipha hizaw hi; bang hang hiam cih leh amau sungah nang na lungkim hi.

Late 32:11

Thumante aw, Topa sungah lungdamin kipak un, lungsim man mi khempeuh aw, lungdamin awng un!

Late 45:4

Thumanna a om nading leh thuman hu’ dingin na minliatna tawh gualzo-in hong pusuak in la, dipkuat-huai hih nate na taklam khut nangmah kihilhsak in!

Thu-hilhkikna 12:12

Topa na Pasian uh mai-ah note leh na tapate leh na tanute, na nasem pasalte uh leh na nasem numeite uh, leh note neih bangin tanh ahi a, luah ahi zongin a nei lo na khua sunga om Levi mite tawh lungdam khawm un.

Late 119:54

Hih leitung ka omna peuh ah, nangma ngeina kipte, la phuak-in ka sa sa hi.

Late 5:12

Topa aw, thuman mi thupha na pia hi; lum tawh dal bangin deihsakna tawh na dal hi.

Late 111:2

Topa’ nasepnate lian a, hoih a sa mi khempeuh in tuate kankan uh hi.