Late 114:2 - Tedim Bible

² Judah gam in ama biakinn suak a, Israel gam in ama ukna gam a suak hi.

Tedim Bible Revision 2017

² Judah-te, Topaʼ mi siangtho suak a, Israel-te, ama uk mi a suak hi.

Late 114:2 Referans Kwoze

Paikhiatna 25:8

Amaute' lakah kei ka om theih nadingin kei adingin biakinn khat amaute bawlsak in.

Paikhiatna 15:17

Nang in amaute hong paipihin nangma' mual tungah amaute na suan ding a, Topa aw, nangma' om nading mun-a na bawlsa munah, Topa aw, na khutte in a phuhsa na biakinn-ah, na koih ding hi.

Paikhiatna 6:7

keima' mi dingin note kong la ding a, keimah in note’ Pasian ka hi ding hi; Izipt mite’ vangik nuai panin note a hong paikhiatpihpa, Topa na Pasian uh ka hihna note in na thei ding uh hi.

Thu-hilhkikna 27:9

Tua ciangin Moses leh Levi siampite in Israelte khempeuh tungah, “Israelte aw, gamdai un la, ngai un; tu ni-in Topa note’ Pasian mi na suak uh hi.

Thu-hilhkikna 23:14

Bang hang hiam cih leh note hong hon ding leh note mai-a na galte uh hong pia dingin Topa na Pasian uh na giahphual laizang uhah hong pai hi; tua ahih ciangin note lakah a kilawm lo nate a muh loh nading leh note kiang panin amah a paikhiat loh nadingin na giahphual uh siangtho ding hi.

Siampi Laibu 11:45

Bang hang hiam cih leh note’ Pasian a hi dingin Izipt gam panin note hong paikhiatpihpa in keimah Topa ka hi hi; tua ahih ciangin kei siangtho ka hih manin note na siangtho ding uh hi,” a ci hi.

Mangmuhna 21:3

Kumpi tokhom sung pan zong, “En in, Pasian buk mite lakah om a, amah in amaute tawh a omkhawm ding hi. Amaute in zong Topa’ mipawlte suakin, Pasian mahmah in amaute tawh omkhawmin amaute Pasian ahi ding hi.

Thu-hilhkikna 27:12

“Jordan na galkah khit uh ciang mite thupha a pia dingin Gerizim Mual tungah a ding ding minamte in: Simeon, Levi, Judah, Issakhar, Josef leh Benjamin ahi hi.

Thu-hilhkikna 7:6

“Bang hang hiam cih leh note in Topa note’ Pasian tungah a siangtho mi na hi uh hi; lei maitang-a om mite khempeuh sung panin a neih manpha ama mi ahi dingin Topa na Pasian un note hong teel zo hi.