Late 113:3 - Tedim Bible

³ Nisuahna pan nitumna dongin Topa’ min phat ding ahi hi!

Tedim Bible Revision 2017

³ Nisuahna pan nitumna dongin Topaʼ min phat ding ahi hi.

Late 113:3 Referans Kwoze

Malakhi 1:11

Leitung khempeuh-a om minam khempeuh in kei hong zahtak uh a, kei’ adingin mun khempeuh ah paknamtui halin, a kisang thei ding biak piakna hong pia uh hi. Mi khempeuh in kei hong zahtak uh hi.

Late 18:3

A phat taak Topa ka sam a, ka galte kiang panin ka suakta hi.

Isaiah 49:13

Vantung aw, lungdamin la sa un, leitung aw, lungdamin diang in; mual liante aw, lungdamin la sa-in awng khia un! Bang hang hiam cih leh Topa in ama mite hehnem ta a, gimna a thuak ama mite hehpih ding hi.

Late 86:9

Topa aw, na bawlsa minam khempeuh hong pai-in na mai-ah hong kun ding a, nangma min hong phat ding uh hi.

Isaiah 59:19

Tua ahih ciangin nisuahna pan nitumna kikal-a om mi khempeuh in amah zahtakin, a vangliatna kihta ding uh hi. Bang hang hiam cih leh Topa’ huih nung bang, tuipi khang bangin amah hong pai ding hi.

Late 48:10

Pasian aw, na min in leimong dong a zelh bangin, nangmah hong kiphatna in zong a zel hi. Na taklam khut in gualzawhna tawh a kidim hi;

Mangmuhna 11:15

Sagihna vantungmi in peengkul a tum ciangin, “Hih leitung gam in i Topa leh ama Khazih gam a suak zo hi. Amah in a tawntungin a uk ding hi,” ci-in vantungah nakpi-in a genna aw ka za hi.

Late 72:11

Kumpi khempeuh ama mai-ah boksuk uh hen la, minam khempeuh in ama na sem ta uh hen!

Habakkuk 2:14

Tuipi in tui tawh a kidim mah bangin, leitung in Topa’ minthan’na theihna tawh kidim ding hi.

Late 50:1

Vanglianpa, Topa ahi Pasian, hong pau a, nisuahna leh nitumna kikal leitung khempeuh a khawm hi.

Isaiah 24:16

Lei mong a gamla pen pek pan nangawnin “a thuman Pa in vanglian ta hen’ cih la i za ding hi. Ahih hangin keimah in, “Ka lungkham hi, ka lungkham hi. Gimna ngah hi ta ing! Bang hang hiam cih leh mi khemte in khemkhem lai-in sia semsem uh a, khem zawh thu ciam lailai uh hi,” ka ci hi.