Late 112:9 - Tedim Bible

⁹ Amah in hawmkhia zuahzuah a, mizawngte tungah pia khin hi; ama migitna kip tawntung a, amah vanglianin, kipahtawi ding hi.

Tedim Bible Revision 2017

⁹ Amah in hawm khia zuahzuah a, mizawngte tungah a pia khia hi. Ama migitna kip tawntung a, amah vanglianin kipahtawi ding hi.

Late 112:9 Referans Kwoze

Late 75:10

Migilote’ vangliatna khempeuh amah in susia ding a, ahih hangin thuman mite’ vangliatna khang semsem ding hi.

Hebru 13:16

Thupha bawlna, sum hawmnate na mangngilh kei un. Bang hang hiam na cih uh leh, Pasian in hih bang biaknate ah a lungdam hi.

Hebru 6:10

Bang hang hiam na cih uh leh, nomau nasepna uh akipan nidang lai-in misiangthote na vaak uh tham loin, tu nangawnin na vaak uh ahi zongin, tua bang hihin ama min hangin na lah uh ki-itna ahi zongin Pasian in a mangngilh dingin thumanlo-pa ahi kei hi.

ROM (Romans) 12:13

Misiangthote a sapna bangun na hawm un. Zindo na hahkat un.

Mangmuhna 22:11

A thuman lo mi in thuman loin omsuak hen, a kihhuai mi in kihhuai lai ta hen, a dik mi in a dikin gamta lai ta hen, a siangtho mi in siangtho lai ta hen.

Sawltak 20:35

Tua bangin note in na nasep uh a, thahat lo mite na huh ding uh a, ‘Ngahna sangin piakna-ah thupha lianzaw hi,’ ci-in Zeisu in a genna kammal na ngaihsut dingun na khempeuh ah note kiangah thugentehna kong lak zo hi,” ci-in a gen hi.

Isaiah 58:10

gilkial mite an pia-in, a kinengniam mite tungah amau’ kisapnate na piak uh leh, na kimkot uh a, khuamial pen khuavak hong suak ding a, na lung ziin’na uh sun nitaang hong bang ding hi.

Isaiah 58:7

Na an uh a gilkialte tawh ne khawmin, inn nei lo mi zawngte a buk nading vaihawm sakin; tangguak-a om mi na muh uh ciangin puansilhsak a, na mi pihte uh kiang panin bu lo ding hilo na hi uh hiam?

Thuhilh-sia 11:6

Zingsang-a kipan khaici tuh in la, nitak dong mateng khawl kei in. A vek-a a po kim ding ahi a, khat sia-in, khat a po ding ahi zongin, bangmah na theih kholh om lo hi.

Late 92:10

Ahih hangin nangmah in zangsial bangin kei nong hatsak a, kei tungah thupha hong pia-in nong lungdam sak hi.

2 KORIN NIHNA 8:9

Bang hang hiam na cih uh leh, i Topa Zeisu Khazih in a hau napi-in zawngkhalna a thuakna tawh note in hauhna na ngah nadingun note tangdingin zawngkhalna a thuak thupha hehpihna na thei uh hi.

Johan 13:29

Bang hang hiam i cih leh, mi kimkhat in Judas in dangka-ip tawi ahih ciangin, “Pawikhamna-ah i zat ding na khatpeuh peuh lei in,” ci ahih kei leh, “Mizawngte na khatpeuh na pia in,” a ci hi ci-in a ngaihsun uh hi.

Luka 16:9

Ke’n kong cih-inah, aman lo sum tawh lawmte na ngah ding uh hi. Tua hi leh, tua sumte a bei ciangin a om tawntung buk sungah amaute in a hong tungsak ding uh hi.”

Luka 12:33

Na neihsa teng zuak un la, hehpihna na pia un. A lui thei lo dangka-ip na bawl un. Gutate’n naih zo lo a, nget in a suksiat theih lohna vantungah a bei thei lo sum na khol un.

Marka 14:7

Mizawngte in note tawh a omkhawm tawntung ding hi. Cikmah peuhin amaute tungah thupha hehpihna na bawl nop uh leh, na bawl thei uh hi. Kei ka hih leh, note tawh omkhawm tawntung ding ka hi kei hi.

Paunak 19:17

Mizawngte tungah a piate in Topa’ tungah a pia hi a, Topa in a cingin amaute tungah lohkik ding hi.

Late 112:3

Hauhna leh nopsaknate ama inn sungah dim ding a, ama thumanna kip tawntung ding hi.

1 SAMUEL MASA 2:30

Tua ahih ciangin Israelte’ Pasian, Topa in thu genin: ‘Nangma innkuan leh na behte in keima mai-ah sung tumin pusuak tawntung ding hi, ci-in thu ka ciam hi,’ a ci hi; ahih hangin tu-in Topa in thu genin: ‘Tua bang hi het lo ding hi: bang hang hiam cih leh kei hong pahtawite ka pahtawi ding a, kei hong simmawhte ka simmawhbawl ding hi.

1 SAMUEL MASA 2:1

Hannah in zong thungenin, “Topa tungah ka lungdam a, Topa hangin ka kipak hi. Nong huhna hangin ka galte ka nuihsan hi.

Thu-hilhkikna 24:13

ni a tum ciangin, a puanza nuai-ah amah lumin nang thupha hong piak theih nadingin tua hong na khap ama kiangah na piakik ding uh hi; tua in Topa note’ Pasian mai-ah note adingin thumanna hi ding hi.

Thu-hilhkikna 15:11

Bang hang hiam cih leh leitang tungah mizawng bei ngei lo ding hi; tua ahih ciangin, ‘Gam sungah na sanggampa, na a kisam mite’ leh mizawngte tungah na cingh mahmah ding hi,’ ci-in thu kong pia hi.

Sawltak 4:35

Sawltakte’ khe mai-ah koih uh a, mikim in a sapna tawh kituakin a vekpi-un a hawm ciat uh hi.

Luka 18:22

Zeisu in tua a zak ciangin, “Na khat na sam lai hi. Na neihsa teng zuak in la, mizawngte kiangah na hawmsak in. Tua hi leh, vantungah sum na nei ding hi.Tua khit ciangin ka nung hong zui in,” a ci hi.

Luka 11:41

Ahih hangin kuang sunglam a om nate mizawngte na pia un. Tua bang na hih uh leh, na khempeuh note mai-ah a siangtho ding hi.”

Mattiu 6:4

A kilang lona-ah a mu thei na Pa un phattuamna hong pia ding hi.”

Isaiah 32:8

Ahih hangin mipi lungsim a nei mi in na hoihte geel a, thu hoih nate ah a pang hi.

Thu-hilhkikna 15:14

na tuuhon lak, na ancilna leh na leenggah sukna panin citna tawh tampi na pia ding hi; Topa na Pasian in nang thupha hong piak zahin amah na pia ding hi.

Late 92:11

Ka galte’ pukna ka mitte in mu khin a, keimah hong do a gilote’ siatna ka bilte in za khin ta hi.

Late 111:3

Ama nasepna in pahtawina leh minliatna tawh kidim a, ama thumanna in kip tawntung hi.

Paunak 14:24

Pilna in mipilte’ minthan’na lukhu hi a, haina in mihaite’ kizepna bulpi pen ahi hi.

Paunak 21:26

Mihoih lote in lungkim hun nei loin deih thuah tawntung a, mihoihte cingh-in, piakhia tawntung uh hi.

Thuhilh-sia 3:6

Zon’ hun om a, mansuah hun om hi. Kep hun om a, paihkhiat hun om hi.