Late 112:4 - Tedim Bible

⁴ Lungsim thutangte’ adingin khuamial sung panin khuavak hong taangkhia hi; Topa dik a, hehpihna nei-in, thuman hi.

Tedim Bible Revision 2017

⁴ Lungsim thutangte adingin khuamial sung panin khuavak hong taang khia hi. Topa dik a, hehpihna nei-in, amah thuman hi.

Late 112:4 Referans Kwoze

JOB (Job) 11:17

Tua ciangin na nuntakna in sun sangin taangzaw ding a, nuntak lungzin pen hun in phalvak sangin taangzaw ding hi.

Isaiah 58:10

gilkial mite an pia-in, a kinengniam mite tungah amau’ kisapnate na piak uh leh, na kimkot uh a, khuamial pen khuavak hong suak ding a, na lung ziin’na uh sun nitaang hong bang ding hi.

Late 97:11

Thuman mite’ tungah khuavak hong taang a, lungsim thutang mite’ tungah lungdamna hong tung hi.

1 JOHAN MASA 3:7

Ka ta neute aw, lam hong khialsak thei dingin kuamah kizolsak kei un. A diktat mi in Topa a dik mah bangin a dik hi.

Luka 6:36

Na Pa un hehpihna lungsim a neih bangin note in zong hehpihna lungsim na nei un.”

1 JOHAN MASA 2:29

Amah in midik ahih note in na theih uh leh, dikna thu a sem mi khempeuh in zong ama pian’sak mi ahi uh hi, cih na thei uh hi.

Efesa 4:32

Khat leh khat na kihehpih un, thupha na kibawl un la, Khazih’ hangah Pasian in na mawhna uh hong maisak mah bangin note khat leh khat mawhna kimaisak un.

Late 106:1

Topa phat un! Topa tungah lungdamna ko un, bang hang hiam cih leh amah hoih a, ama itna kip kho tawntung hi!

Efesa 5:9

Bang hang hiam na cih uh leh, khuavak’ gah in a hoihna khempeuh, dikna khempeuh, thuman thutak ahi hi.

Johan 12:46

Kei hong um mi in khuamial lakah a om loh nadingin kei khuavakin leitungah kong pai hi.

Late 37:6

Amah in na dikna khuavak bangin, na thumanna sun ni taang bangin hong lang sak ding hi.

Malakhi 4:2

Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun’ ding hi. Bawngkhumna panin a kikhah bawngnote bangin suakta-in nuam na sa ding uh hi.

1 JOHAN MASA 3:10

Tua bangin Pasian’ tate leh Dawimangpa’ tate a kikhen uh hi. Dikin gamta lo mi ahi zongin, a u a nau a it lo mi ahi zongin Pasian tawh a kipawl lo mi ahi hi.

Efesa 5:15

Tua ahih ciangin note in bang na ci gamtat uh hiam na kikem un. Pilna nei lo bang hi loin, pilna nei bangin na hi un la,

Isaiah 50:10

Topa kihta a, a nasempa’ thu a mangte khempeuh in, khuamial sungah khuavak nei loin na pai hangun, Topa muang un la, Pasian suan’ in nei un.

JOB (Job) 22:28

Na hih khempeuh na taangtun’ dinga na maa vang ding hi.

JOB (Job) 29:3

Tua hun lai-in Pasian in kei hong ompih tawntung a, khuamial sungah ka pai laitakin Pasian in khuavak hong pia hi.

Late 116:5

Topa dikin thuman a, i Pasian in hehpihna nei hi.

Late 145:17

Topa pen ama sepna khempeuh ah thutang a, a gamtatna khempeuh ah hehpihna nei hi.

Paunak 21:21

Thuman thutakin gamta tawntung lecin, na khan’ sau-in, pahtawina na ngah ding hi.

Isaiah 58:8

Tua ciangin ka maipha pen phalvak tung bangin note tungah hong taang khia ding a, manlang takin na liamnate uh hong dam ding hi. Note dikna na mai uh ah om ding a, note hong honin, na nung uh kong dal ding hi.