Late 112:3 - Tedim Bible

³ Hauhna leh nopsaknate ama inn sungah dim ding a, ama thumanna kip tawntung ding hi.

Tedim Bible Revision 2017

³ Hauhna le nopsaknate a innkuan sungah dim dinga, ama thumanna kip tawntung ding hi.

Late 112:3 Referans Kwoze

Paunak 15:6

Thuman mite’ neihsa kip a, migilote’ hauhna in lungkham guan hi.

Paunak 3:16

Pilna in hong khan’ sausak a, hauhna leh pahtawina zong hong pia hi.

Mattiu 6:33

Pasian’ Gam leh ama dikna zong masa un. Na zon’ uh leh, tua na khempeuh a hong pia thuah ding hi.

Isaiah 33:6

amah pen nangma hunte a kipna, hohkhiatna a kicin’na, pilna leh theihna hi ding hi; Topa kihtakna pen ama sumgum hi ding hi.

Late 112:9

Amah in hawmkhia zuahzuah a, mizawngte tungah pia khin hi; ama migitna kip tawntung a, amah vanglianin, kipahtawi ding hi.

2 KORIN NIHNA 6:10

a dahte bang ahi zongin a nuam tawntung mi hi-in, a zawng mite bang ahi zongin a ngah a hau mite hi-in, sum khat beek a nei lo mi bang ahi zongin na khempeuh a nei mite hi-in Pasian’ nasemte ka hi takpi uh a, na khempeuh tawh kilangin ka lak uh hi.

Late 111:10

Topa zahtakna in pilna kipatna ahi hi; ama thupiak a zuite khempeuh tungah thukhen siamna a pia hi. Amah phat tawntung ding ahi hi.

Late 111:3

Ama nasepna in pahtawina leh minliatna tawh kidim a, ama thumanna in kip tawntung hi.

Isaiah 51:8

Bang hang hiam cih leh nget in puan a nektum bangin amaute beimang ding a, lungno in samul puan a pehtum bangin amaute maimang ding hi; ahih hangin keima dikna om tawntung ding a, khang tawntungin ka hotkhiatna kip ding hi.”

Isaiah 32:17

Tua ciangin thumanna hangin nopna om ding a, thumanna hangin daihna leh lungmuan’ tawntungna om ding hi.

JOB (Job) 5:24

Na inn sung lunghimawh nading om lo hi ci-in na thei ding a, na inn kiim na et ciangin a kitasam bangmah om lo ding hi.

Late 34:10

Humpinelkai khang laite in kisapna leh gilkialna thuak hi; ahih hangin Topa a zongte in na hoih a kisap uh om lo hi.

Late 34:11

Tate aw, hong pai un la, hong ngai un. Topa zahtakna kong hilh ding hi.

Paunak 21:20

Mipilpa’ inn sungah neih leh lam a dim a ha-in om a, ahi zongin mihaipa in a ngah zahzah zangkhia pah hi.