Late 110:3 - Tedim Bible

³ Na mihonte mual siangtho tungah na makaih ciangin, utna lungsim tawh na mite hong kipia ding uh hi. Daitui bangin zingsang ciangin na khangnona nangma tungah hong tung ding hi.

Tedim Bible Revision 2017

³ Nangma mihonte mual siangtho tungah na makaih ciangin, utna lungsim tawh na mite hong kipia ding uh hi. Daitui bangin zingsangin na khangnona nangma tungah hong tung ding hi.

Late 110:3 Referans Kwoze

Thukhente 5:2

“Makaite in Israelte sungah makai uh a, mite amau mahmah utna tawh kipia uh hi, Topa phat un!

Hebru 13:21

ama deihna thu Zeisu Khazih hangin eite sungah hong bawlna, note in a deihna na zuih nadingun ahoih na khempeuh ah hong kicingsak ta hen. Tua Topa in a tawntungin minthan’na ngah ta hen. Amen.

Titu 2:14

Tua Topa in mawhna khempeuh sungpan eite hong tankhia dingin ahi zongin, gamtatna ahoihte ah lungsim utna nei-in, ama hong neihtuam dingin, ama ading siangthosak dingin ahi zongin eite ading ama pumpi a pia hi.

1 THESALONIKA MASA 4:7

Pasian in kihhuaina-ah eite hong sam ahi kei hi, sian’thona-ah hong sam hi.

Mangmuhna 7:9

Tua khit ciangin ka et leh, gam khempeuh, nam khempeuh, pawl khempeuh, kam khempeuh sung panin kuama sim zawh loh mihonpi in tokhom leh Tuuno mai-ah puanpak silhin, a khut uhah nisuh hiang tawi-in a ding uh ka mu hi.

2 KORIN NIHNA 13:4

Bang hang hiam na cih uh leh, tua Khazih in thanemna hangin singlamteh tungah sihna a thuak zongin Pasian’ vangliatna tawh a nungta hi. Kote in zong Khazih sungah ka thanem uh zongin Pasian’ vangliatna hangin Khazih tawh note lakah ka nungta khawm ding uh hi.

2 KORIN NIHNA 8:16

Note ading huhna hahkatna ka hanciamna bang uh Titu’ lungsim sungah a guang Pasian in phatna ngah ta hen.

2 KORIN NIHNA 8:12

Bang hang hiam na cih uh leh, hih nopna lungsim a om leh, hih zawh lohna ngaihsun loin, hih zawh ding bek ngaihsutna in a deihhuai na ahi hi.

Sawltak 21:20

Amaute in a zak uh ciangin Pasian’ min a phat uh hi. Paul kiangah zong, “Sanggam aw, thu-um Judah mi then bangzah a om na thei hi. Tua mite khempeuh in Thukham hahkatin a zui uh hi.

Late 96:9

Puan siangtho silhin Topa bia un. Leitung mi khempeuh aw, ama mai-ah ling un!

Filippi 2:13

Bang hang hiam na cih uh leh, note in ama deihna bangin na sepnop nading uh leh na sep theih nadingun Pasian mahmah in nomau sungah hong sem ding hi.

Sawltak 2:41

Tua thu a mang mite in kibaptaiz uh a, tua ni-in mi tulthum bang a kibehlap uh hi.

Sawltak 2:33

Tua ahih ciangin amah in Pasian’ ziat lamah pahtawina ngah a, Pa kiangah Kha Siangtho kiciamna a ngah khit ciangin, no na muh na zak uh nate hong bua zo hi.

Sawltak 1:8

Ahih hangin Kha Siangtho in nomau tungah hong kumsuk khit ciangin vangliatna na ngah ding uh a, Jerusalem khua-a kipan Judah gam, Samaria gam khempeuh leh leimong dongin ka teci na hi ding uh hi,” a ci hi.

1 KHANG TANGTHU MASATE 16:29

Ama’ min in ngah dingin a kilawm zah ciang dong minthan’na Topa tungah pia un; biakna paipih un la, ama mai-ah pai un! Biakna puan silhin Topa bia un;

Sawltak 19:20

Tua bangin Topa’ thu in vangliatna tawh khang a, a gualzo hi.

Sawltak 4:4

Ahih hangin thuhilhna a za mi tampite in um uh a, pasal teng tulnga bang a pha uh hi.

Nehemiah 11:2

Tua hi a, sawl lohin, Jerusalem ah amau thu-in a teeng tawm nuam khempeuhte tungah mite lungdam uh hi.

Ezekiel 43:12

Biakinn tawh kisai ngeina-in: Mual tunga om biakinn kimkot mun khempeuh pen biakna tawh kisai-in a siangtho ahi hi.

Thukhente 5:9

Mite lak panin utna tawh amau a kipia tawm Israel a ukte lamah ka lungsim pai hi.

Late 29:2

Ama minthan’na Topa’ tungah pia un la, a siangtho kizepna tawh Topa bia un.

Micah 5:6

A namsau uh tawh Assiria gam zo-in Nimrod gam zo ding uh a, Assiria mite in i gamgi dong hong sim ciangin amaute’ kiang panin eite hong honkhia ding uh hi.