Late 11:7 - Tedim Bible

⁷ Bang hang hiam cih leh Topa dik a, dik gamtatna deih hi; thutang mi in ama mai mu ding hi.

Tedim Bible Revision 2017

⁷ Bang hang hiam cih leh Topa dik mahmah a, dik gamtatna a deih hi. Thutang mi in ama mai a mu ding hi.

Late 11:7 Referans Kwoze

Mangmuhna 22:4

a maitang a mu ding uh hi. A min zong amaute taltang tung uhah a om ding hi.

Late 17:15

Kei ka hih leh, thumanna tawh na maitang ka en ding a, ka khanlawh ciangin, nangma mel muhna tawh ka lungkim ding hi.

1 PETER MASA 3:12

Bang hang hiam na cih uh leh, Topa’ mit in mi dikte a en hi, a bil in zong amau thungetna a ngai hi. Mawhna ahihte ahih uh leh, Topa in a nungngat hi.”

Late 45:7

thumanna deihin gitlohna na mudah hi. Tua ahih ciangin Pasian ahi, nangma Pasian in, na gualpihte tungah kikhaito-in lungdamna sathau tawh nang hong nilh zo a,

JOB (Job) 36:7

Amah in thuman mite hu a, kumpi ukna za pia a, pahtawina ngahsak tawntung hi.

1 JOHAN MASA 3:2

Ka itte aw, tu-in Pasian’ tate i hi hi. A nung ciangin bang ci mi i hi ding a kilang nai kei hi. Ahih hangin amah hong kilat ciangin eite in amah tawh i kibang ding hi ci-in i thei hi. Bang hang hiam na cih uh leh, ama pum a om bangin amah i mu ding hi.

Late 42:5

Bang hangin khakunkun ka hi hiam, bang hangin lunghimawh ka hi hiam? Pasian’ sungah lametna nei ning; bang hang hiam cih leh kei hong huhpa ka Pasian ka phat kik na ding hi.

Late 34:15

Topa' mit in thumante’ lam en a, a bil in amau kikona lam nga hi.

Late 33:18

Amah a zahtakte, a itnakip sungah lametna a neite, sihna panin honkhia-in, kialpi hun sungin amaute a hin’ kep theih nadingin Topa’ mit amaute tungah om tawntung hi.

Late 99:4

Thutang a deih, Vanglian Kumpipa aw, nangmah in thuman na phut khin a, Jakob’ sungah thutang leh thuman na semkhia hi.

Late 33:5

Amah in thumanna leh thutan’na deih a, leitung in Topa’ itna kip tawh kidim hi.

Late 21:6

Hi hi, nangmah in a tawntungin thupha ngah pen dingin amah na bawl a, nangma ompihna lungdamna tawh amah na kipaksak hi.

Late 5:12

Topa aw, thuman mi thupha na pia hi; lum tawh dal bangin deihsakna tawh na dal hi.

Isaiah 61:8

Bang hang hiam cih leh keimah Topa in thutang deihin, mi’ nate suhna leh khialhna ka mudah hi; amaute tungah amau thaman thuman takin ka pia ding a,, tawntung thuciamna amaute tawh ka bawl ding hi.

Late 146:8

Topa in mittawte, khua musak hi. Topa in, niamsakna a thuak mite sangto sak a, Topa in thuman mite a it hi.

Late 7:9

Lungsim leh ngaihsutna a en a thuman Pasian aw, migilote’ siatna beisak in la, mi thumante kipsak in.

Late 7:11

Pasian in a tang-a thu khenpa hi a, ni sim-a heh den Pasian ahi hi.

Late 37:28

Bang hang hiam cih leh Topa in thutang deih a, a mi siangthote nusia lo ding hi. Thuman mi kikemcing den ding a, ahi zongin migilo’ tate kipuaseh ding hi.

Late 45:8

na puantualpi mirrah paknamtui, alo paknamtui leh thalsing namtuite a nam hi. Saiha tawh kibawl innpite panin khausai lasaknate in nang hong lungdamsak-in,

Paunak 15:9

Topa in migilote’ gamtatna kihhuai sa a, thuman a deih mite a it hi.