Late 11:5 - Tedim Bible

⁵ Topa in midikte leh migilote en tel a, a ngongtat nuam mi a lungsim in mudah hi.

Tedim Bible Revision 2017

⁵ Topa in midikte le migilote en tel a, a ngongtat nuam mite a lungsim in mudah hi.

Late 11:5 Referans Kwoze

Jeim 1:12

Ze-etna a thuak zo mi in thupha a ngah ding hi. Bang hang hiam na cih uh leh, ze-etna a thuak zawh khit ciangin Topa in a it mite a ciamna bangin nuntakna kumpi lukhu a ngah ding hi.

1 PETER MASA 4:12

Ka itte aw, note hong ze-et nadingin na thuak uh mei tawh kisit, bawlsiatna in note tungah lamdangsak huaina ahi ci-in ngaihsun kei un, na lungmang kei un.

Late 26:2

Topa aw, keimah hong ze-et in la hong sin in; ka lungsim leh ka ngaihsutna hong entel in.

Late 7:9

Lungsim leh ngaihsutna a en a thuman Pasian aw, migilote’ siatna beisak in la, mi thumante kipsak in.

Piancilna 22:1

Hih thute khit ciangin Pasian in Abraham ze-et a, ama kiangah, “Abraham!” ci hi. Amah in, “Hiah om ing,” ci hi.

Late 21:8

Na khut in na galte khempeuh su ding a, na khut taklam in nang hong mudahte sugawp ding hi.

Zekhariah 11:8

Kha khat sungin tuucing thumte ka notkhia hi. Bang hang hiam cih leh amaute tungah ka lungduai zo nawn kei a, amaute in kei hong mudah uh hi.

Jeremiah 12:8

Ka luah ding a ka teelsa mite in gamlak-a humpinelkai bangin kei’ lang khatah pangin hong hawksan uh a, tua ahih manin ka mudah hi.

Late 139:1

Topa aw, nangmah in kei nong entel-a nong thei khin hi.

Late 17:3

Keima lungsim hong sin in la, zan-in nangmah ka kiangah hong hawh in la, keimah hong ze-et lecin, ka sungah gitlohna na mu kei ding hi; ka kam in khial lo hi.

Late 10:3

Bang hang hiam cih leh migilo in a lungsim deihna kiphatsak pih a, ngah nading a huaihampa in, Topa phuisam-in taisan hi.

Malakhi 3:3

A ninte kangtumsakin, ngunte a siangsakpa bangin thukhen dingin hong pai ding hi. Ngun leh khamte a kisian’sak bangin amah in Levi’ suan-le-khak ahi siampite siangsak ding hi. Tua ciangin Topa tungah a kilawm biakna pia ding uh hi.

Zekhariah 13:9

Tua a suakta seh khatte pen, meikhukah ngun a kisian’sak bangin, meikhukah kham a kize-et bangin, meikhukah ze-etin ka siangsak ding hi. Amaute in kei tungah thu hong ngenin, kei zong amau’ hong ngetna ka pia ding hi. Keima mi ahihna uh, amaute tungah ka gen ding a, amaute in, kei pen, amau’ Pasian ka hihna thu, a kam uh tawh pulak ding uh hi,” a ci hi.

Late 5:6

Zuauthu a gen mite na susia hi; Topa in, mi thah nopna lungsim leh mi kheem nopna lungsim neite mudah hi.

Jeremiah 20:12

A thuman mite a en tel, lungsim leh ngaihsutna a mu a vanglian Topa aw, amaute na thuh kikna hong musak in. Bang hang hiam cih leh nangma’ kiangah ka thu kong ap khin hi.