Late 11:4 - Tedim Bible

⁴ Topa in ama biakinn siangtho sungah om a, Topa’ tokhom in vantungah om hi; a mit-in en a, a mit tawh mihing’ tate entel hi.

Tedim Bible Revision 2017

⁴ Topa a biakinn siangtho sungah om a, Topaʼ tokhom vantungah om hi. Amah in mihingte hong en a, mihingteʼ gamtatna khempeuh a thei tel hi.

Late 11:4 Referans Kwoze

Late 103:19

Topa in ama tokhom vantungah phut khin a, amah in mun khempeuh a uk hi.

Late 18:6

Ka gimna-ah Topa ka sam a, ka Pasian’ tungah huhna ngenin ka kiko hi. Amah in a biakinn panin ka aw hong za a, amah ka kohna aw in a bilte va ban hi.

Late 2:4

Vantunga tu-pa in nuihsan a, tua Topa in amaute zahko hi.

Habakkuk 2:20

Topa, a biakinn siangtho sungah om hi; leitung mi khempeuh, ama mai-ah dai dide-in om ta hen.

Isaiah 66:1

Topa in hih bangin ci hi: “Vantung in keima tokhom hi a, leitung in keima khe ngakna ahi hi; kei’ adingin koi lai-ah inn lam ding a, keima tawlngakna mun koi lai ahi hiam?

Jeremiah 23:24

Mi khat peuhpeuh kei’ muh loh dingin busim thei ding ahi hiam? Topa in kong ci hi. Leitung, vantung mun khempeuh ah ka om lamtak thei lo na hi uh hiam? Topa in kong ci hi.

Late 33:13

Topa in vantung panin hong ensuk a, mi’tapate khempeuh a mu hi;

Mangmuhna 4:2

thakhatin Kha Siangtho sungah ka om a, vantungah kikoih tokhom khat ahi zongin, tua tokhom tungah tu-a a om mi khat ahi zongin ka mu hi.

Hebru 4:13

Tua tham loin, eite thu hong khenpa mai-ah a kilang lo na khat beek a om kei hi; na khempeuh a liah a dal om loin Pasian mai-ah kipho laakin a om hi.

2 THESALONIKA NIHNA 2:4

Tua mi in thu nial a, pasian a kici khempeuh ahi zongin, a kibia na khempeuh ahi zongin, tuate sangin ama pumpi pahtawi zaw-in, Pasian’ biakinnpi sungah tu-in, “Pasian ka hi hi,” ci-in a pumpi lakin a om ding hi.

Mattiu 23:21

Biakna innpi tawh a kiciamte in biakna innpi ahi zongin, innpi sungah a teengpa tawh ahi zongin a kiciam hi.

Mattiu 5:34

Ke’n kong cih inah, na kiciam peuhmah kei un. Vantung in Pasian’ tokhom ahih ciangin vantung tawh na kiciam kei un.

Late 66:7

Ama hatna tawh a uk ngitngetpa, a mit tawh minamte a encik ngitngetpa, mi lehdote in langpan’ kei uh hen.

2 KHANG TANGTHU NIHNATE 16:9

Bang hang hiam cih leh ama lamah a lungsim a paubang lo mite’ tangin ama vangliatna a lak dingin Topa’ mit in leitung khempeuh en kawikawi hi. Hih thu-ah na hai gamtat khin hi; bang hang hiam cih leh tu-a kipanin galdonate na nei ding hi,” a ci hi.

1 KHANG TANGTHU MASATE 17:5

Bang hang hiam cih leh Israelte ka paipih toh a, kipan tu ni dongin inn sungah ka teeng kei a, puanbuk khat pan puanbuk khat, omna khat pan omna khatah ka pai kawikawi hi.

Sawltak 7:49

‘Vantung in keima tokhom ahi hi. Leitung in keima khe sikna ahi hi. A bang ci bang biakna innpi kei ading na lam ding hiam? Ka khawlna mun in koi lai takah a om ding hiam?

Paunak 15:3

Topa’ mit in mun khempeuh mu a, misia, mipha, hong encik kim hi.

Zekhariah 2:13

Mi khempeuh aw, Topa’ mai-ah gamdai-in om un. Bang hang hiam cih leh a siangtho ama omna mun panin amah hong paikhia ta hi.

Jeremiah 17:10

Keimah Topa in mi khempeuh’ nuntak zia leh gamtatna tawh kizui-a piakhia dingin ngaihsutna ka entel a, lungsim ka sittel hi.”

Late 44:21

Pasian in hih thu mukhia lo ding ahi hiam? Bang hang hiam cih leh amah in lungsim thusim a thei hi.

Late 9:11

Zion-a om Topa phatna la sa un! Ama nasepnate mite lakah gen un!

Micah 1:2

No minam khempeuhte aw, hih thu za un. Leitunga teeng mi khempeuh aw, hih thu ngai un. Note’ lang khatah Topa Pasian in teci pang a, a vantung biakinn panin thu hong gen hi.

JOB (Job) 24:23

Pasian in amah a lungnuamin nungta sak a, ahi zongin amaute langpanin, encik tawntung hi.

Late 14:2

A pil gamtat, Pasian a zong a om uh hiam cih a theih nadingin Topa in vantung panin mihing’ tate ensuk hi.

Late 113:5

A sangna mun-a a tu, vantung leh leitung a hong ensuk Topa, eite’ Pasian pen kua tawh kibang ahi hiam?

Late 139:23

Pasian aw, kei hong entel in la ka lungsim hong thei in! Kei hong sit in la ka ngaihsutnate hong thei in!