Late 11:1 - Tedim Bible

¹ Topa ka bel hi; bangci-in ka tungah, “Vasa leeng bangin mual tungah tai-in,

Tedim Bible Revision 2017

¹ Keʼn Topa ka bel hi. Bang hangin ka tungah, “Vasa leeng bangin mual tungah tai in;

Late 11:1 Referans Kwoze

Late 56:11

lunghihmawhna khat zong nei loin Pasian ka muang hi. Mi in kei bang hong cih thei ding ahi hiam?

Late 25:2

Ka Pasian aw, nang kong muang hi, hong zahhuaisak kei in; ka galte ka tungah gualzo-in lungdam sak kei in.

1 SAMUEL MASA 23:14

Zif gamlak mual tung gam sung, gamlak munmuanhuaina-ah David om hi. Saul in ni simin amah zong a, ahih hangin Pasian in ama tungah David pia lo hi.

Luka 13:31

Tua lai takin Farisaite kimkhat hong pai uh a, “Paikhia in la, tai in. Herod in nang hong that nuam hi,” a ci uh hi.

Paunak 6:5

Sabengpa’ kiang panin a suahtak nadingin sakhi a tai bangin, thang ah a awk vasa a kitom bangin na suahtak nadingin hamciam in.

Late 16:1

Pasian aw, nangmah hong bel ka hih ciangin keimah hong kem in.

2 KHANG TANGTHU NIHNATE 16:8

Ethiopia mite leh Libia mite in leeng tampi tak leh sakol tung tuang tampi tak tawh a om galkap tampi hilo ahi hiam? Ahi zongin Topa suang na hih manin, amah in na khut sungah amaute hong pia hi.

Late 31:14

Ahih hangin keimah in nang kong muang hi, Topa aw, “Nangmah in keima Pasian na hi hi,” kong ci hi.

Late 9:10

Topa aw, nangmah hong zongte nusia lo na hih manin, na min a theite in nang hong muang hi.

Late 7:1

Topa ka Pasian aw, nang kong bel hi; kei hong delhte khempeuh kiang panin hong gum in la hong hon in.

2 KHANG TANGTHU NIHNATE 14:11

Tua ciangin Topa’ Pasian tungah Asa kiko a, “Topa aw, a thahat leh a zawngkhal kikalah a huh dingin nang tawh a kibang kuamah om lo hi. Kote hong huh in, Topa kote’ Pasian aw, bang hang hiam cih leh nang kong suang uh a, nangma minin hih mihonpi do dingin kong pai uh hi. Topa aw, nangmah in kote’ Pasian na hi hi; mite kizosak kei in,” a ci hi.

1 SAMUEL MASA 20:38

Tua ciangin Jonathan in naupang samin, “Manlang in, hong kinawh in, tua lai-ah om kei in,” a ci hi. Tua ahih ciangin Jonathan’ naupangpa in a thaltangte khawmin a topa kiangah pai hi.

1 SAMUEL MASA 27:1

David in a lungsim sungah, “Saul’ khut tawh ni khat ni ciangin ka si ding hi; kei adingin Filistiate gamah ka tai ding sangin a hoihzaw om lo hi; tua ciangin Saul in Israel gamgi huam sungah kei hong zon’ niloh lungkia ta ding a, keimah in ama khut sung panin ka suakta ding hi,” a ci hi.

1 SAMUEL MASA 22:3

David tua lai mun panin Moab gam Mizpeh-ah pai hi; amah in Moab kumpipa kiangah, “Pasian in kei adingin hong sepsak ding ka theih hun matengin ka nu leh ka pa na kiangah hong omsak in, ci-in kong thum hi,” a ci hi.

1 SAMUEL MASA 19:11

A zingsang ciangin amah a thah theih nadingin tua zanin Saul in amah a vil dingin David’ inn-ah mi sawl hi. Mikhal in ama kiangah, “Tu zanin na nuntakna na suahtak kei leh, zing ciangin nang hong kithat ding hi,” a ci hi.

Nehemiah 6:11

Ahih hangin keimah in, “Kei bang mite tai ding ahi hiam? Kei tawh kibang mite a suahtak nadingin biakinn sungah lut ding ahi hiam? Ka pai peuhmah kei ding hi,” ka ci hi.

Late 7:2

Hong hon kei lecin, hong hon ding dang om lo ahih manin amaute in humpinelkai bangin hong kaikhia-in hong balgawp ding uh hi.

Jeremiah 48:14

“Note in bang hangin, ‘Galhangte ka hi uh a, galsim hatte ka hi uh hi,’ ci thei na hi uh hiam?