Late 104:3 - Tedim Bible

³ Van-a om tui tungah na inn na lam a, meiipite, na leeng dingin na bawl a, huih khate' tungah na tuang hi.

Tedim Bible Revision 2017

³ Van a om tui tungah na inn na lam a, na leeng dingin meiipite na bawl a, huih khate tungah nang na tuang hi.

Late 104:3 Referans Kwoze

Amos 9:6

Topa in vantungah a inndeite bawl a, vankuumpi tawh leitung a khuhsuk hi. Amah in tuipi panin tuite samkhia a, lei tungah tua tuite sung hi. Hih bangin a bawlpa’ min in Topa ahi hi.

Isaiah 19:1

Izipt gam tawh kisai thu: A manlang mahmah meii tungah Topa tuangin Izipt gamah pai hi; ama mai-ah Izipt gam milimte liing ding a, Izipt mite’ han’na bei ding hi.

2 SAMUEL NIHNA 22:11

Amah Kherub khat tungah tuangin leng a, huih khate tungah amah kimu hi.

Nahum 1:3

Topa a lungduai mahmah a, a vang zong lian a, ahih hangin mimawhte khahkhong ngei lo hi. A paina peuhpeuh ah huihpi nungin, pingpei kipei a, ama paina hanga leivui leeng in meiipite ahi hi.

Late 139:9

Leimong pek-ah leengin, tuipimong pek-ah om taleng zong,

Mangmuhna 1:7

En un, Topa in meiite tawh hong kumsuk ding a, mittang khempeuh a, kipan amah a sun mite in amah hong mu ding uh hi. Leitung mipawl khempeuh in zong amah hangin a kap ding uh hi. Tua bang a man hi. Amen.

Mattiu 26:64

Zeisu in, “Nang gen bangin ka hi hi. Tua tham loin, ke’n kong cih-inah, tunung ciangin Mihing Tapa in Vanglian Pa’ ziat lamah tu a, meii tungah hong tuangsuk note in na mu ding uh hi,” a ci hi.

Thu-hilhkikna 33:26

“Israel aw, nangmah huh dingin vantungah a tuang, a liatna tawh vanpi-ah a om, Pasian tawh a kibang kuamah dang om lo hi.

Late 148:4

Van sangpente leh vante tunga om tuite aw, amah phat un!