Late 104:1 - Tedim Bible

¹ Topa ka phat ding hi. Topa ka Pasian aw, nang na lian mahmah hi. Nangmah in minthan’na leh liatna na silh hi.

Tedim Bible Revision 2017

¹ Topa ka phat ding hi. Topa ka Pasian aw, nang na lian mahmah hi. Minthanna le liatna nang na silh hi.

Late 104:1 Referans Kwoze

Late 103:22

Ama ukna mun khempeuh ah a om, ama bawlsate aw, Topa phat un. Ke’n, Topa ka phat ding hi.

Late 145:3

Topa lian hi, nakpi tak-a phat ding hi a, ama liatna ngaihsut zawh ding hi lo hi.

Late 96:6

Pahtawina leh liatnate ama mai-ah om a, hatna leh hoihnate ama omna mun siangtho-ah a om hi.

Isaiah 59:17

Amah in thumanna pen awm dalna lum bangin silh ding a, gualzawhna pen sik lukhu bangin khu ding hi. Na khempeuh a manin bawlkik nopna, gimna a piangsakte daan pia-in thukkikna puansilhin, kinna puan tawh kitun ding hi.

Late 93:1

Topa maang hi; liatna tawh kumpipuan kisilhsak hi; Topa, kumpipuan kisilhsak a, thahatna tawh kidim hi. Hi hi, leitung kikip sak a, kiling ngei lo ding hi;

Daniel 9:4

Topa ka Pasian kiangah thungenin, ka mite’ mawhna pulakin: “Topa Pasian aw, nang na lian-a ka hong zahtak uh hi. Nang na thuman a, itna thuciamna leh na thupiakna bang a mangte leh a hong itte a tawntungin na it hi.

Late 104:35

Mawhneite leitung panin beimang hen la, migilote om nawn kei hen! Ke’n, Topa ka phat ding hi. Topa ka phat ding hi.

Jeremiah 23:24

Mi khat peuhpeuh kei’ muh loh dingin busim thei ding ahi hiam? Topa in kong ci hi. Leitung, vantung mun khempeuh ah ka om lamtak thei lo na hi uh hiam? Topa in kong ci hi.

Late 7:1

Topa ka Pasian aw, nang kong bel hi; kei hong delhte khempeuh kiang panin hong gum in la hong hon in.

Habakkuk 1:12

Topa aw, a cil pek-a kipan a tawntungin Pasian na hi a, nang in tawntung keima Pasian, a Siangtho Pa na hi hi. Topa aw, kote daantat dingin amaute na seh hi bek a, ka belh Suangpi aw, kote nong thuhilhna ding bekin amaute vang a pia pak bek na hi hi.

Daniel 7:9

Ka et lai takin kumpi tokhomte a hong kikoih hi. A nungta tawntung mi Pa khat in tua tokhomte khat tungah a tu hi. A puante vuk bangin ngo a, a samte tuumul hoih tawh a kibang hi. A tokhom in meikuang lengpei tungah kinga-in meikuang zuazua a;

Late 95:3

Bang hang hiam cih leh Topa in a lian Pasian khat hi a, pasian khempeuh tungah Kumpi lian khat ahi hi.