Late 103:3 - Tedim Bible

³ Amah in ka mawhna khempeuh hong maisak a, ka natna khempeuh hong dam sak hi.

Tedim Bible Revision 2017

³ Amah in ka mawhna khempeuh hong maisak a, ka natna khempeuh hong damsak hi.

Late 103:3 Referans Kwoze

Paikhiatna 15:26

“Note in Topa na Pasian’ thu lim takin na ngaih uh a, ama' maiah a man nate hih-in, ama' thupiakte don a, ama' ngeina kipte khempeuh na zuih uh leh, Izipt mite' tungah ka tun’sak natnate khat beek note' tungah kong tungsak kei ding hi; bang hang hiam cih leh keimah in Topa, note hong damsakpa ka hi hi,” a ci hi.

Isaiah 53:5

Ahih hangin eite’ khialhna hangin amah kiliamsak a, eite’ mawhna hangin amah kisatnim hi; Ama gimthuakna hangin nopna i ngah a, ama liamna hangin damna i ngah hi.

Late 30:2

Topa ka Pasian aw, huhna ngenin na tung kong awng a, kei nong damsak khin hi.

Jeremiah 17:14

Topa aw, hong damsak lecin kei ka dam ding a, hong honkhia lecin ka suakta ding hi; bang hang hiam cih leh nang kong phatpa na hi hi.

Late 147:3

Amah in lungsim kitamte damsak a, amau’ meimate tuamsak hi.

Jeim 5:15

Tua bang na bawl uh leh, upna thungetna in cinate a noptuamsak ding a, Topa in amah a thosak ding hi. Amah in mawhna ahih khak leh zong, tua mawhna a maisak ding hi.

Isaiah 43:25

“Na thupalsatnate hong phiatkhiatsakpa in keimah Pasian ka hi a, kei ka hih manin na khialhnate ka ciamteh kei ding hi.

Marka 2:5

Zeisu in amaute’ upna a theih ciangin a khut-le-khe sipa kiangah, “Ka ta aw, na mawhnate kimaisak zo hi,” a ci hi.

Gamlak-vakna 12:13

Tua ciangin Moses in Topa tungah, “Amah dam sak in, Pasian aw, kong thuum hi,” ci-in kiko hi.

Late 130:8

Amah in, Israelte a mawhna khempeuh panin tankhia ding hi.

Efesa 1:7

Pilna khempeuh leh phawktheih pilna khempeuh tawh kituak, eite tungah hehpihna a kicin’sak mah bangin tua Zeisu’ sisan hangin mawh maisakna ahi tatkhiatna thupha ama sungah eite in i ngah hi.

2 SAMUEL NIHNA 12:13

David in Nathan kiangah, “Topa tungah ka khial khin hi,” a ci hi. Tua ciangin Nathan in David kiangah, “Topa in zong na khialhna koihkhia zo hi; nang na si kei ding hi.

Isaiah 33:24

I gam-a teeng mite kuamah in, “Ka ci na,” ci nawn lo ding uh a, mawhna khempeuh kimaisak ding hi.

Paikhiatna 34:7

mi tul tampite adingin itna kip a nei, mawhna, thupalsatna leh khialhna maisakin, ahih hangin bang bang hita leh mawhna a siangsak ngei lo, pate’ mawhna tate tung leh tute tung, khang thum, khang lina dongin a thukpa,” ci-in pulak hi.

Late 41:8

Amaute in, “Thusia khat ama tungah baang zo hi; a lupna panin thokik nawn lo ding hi,” ci uh hi.

Late 86:5

Bang hang hiam cih leh Topa aw, nangmah hoih-in mawhna na maisak a, nangma tunga hong ngente khempeuh tungah itna kip tampi na nei hi.

Late 130:4

Ahih hangin nang hong kizahtak theih nadingin nangmah in mawhna na maisak hi.

Isaiah 38:17

Gimna lianpi ka thuakna in keima metna hong suak ding hi. Lauhuaina khempeuh panin kei nong honkhia a, ka mawhna khempeuh na nungzang ah na koih hi.